Ҳозирги кунда улама киприклар урфга кириб, ундан фойдаланиш ортиб бормоқда. “Кўз нури” клиникаси бош шифокори Ҳикматулло Содиқов “Дарё” нашрига берган қисқача интервьюсида улама киприкларнинг кўзга таъсири ҳақида тушунтириш берди.
Шифокорнинг айтишича, улама киприклар косметик жиҳатдан аёл-қизларимизни гўзал кўрсатиши мумкин, лекин буни ўзига яраша салбий жиҳатлари ҳам бор.
Киприк қирғоқларига улама киприкни ёпиштириш ҳисобига кўзга инфекция тушиши эҳтимоли бор. Шунингдек, кўзда қуруқлик синдироми ривожланиш хавфини оширади.
Баъзи ҳолатларда киприкни қотириш учун сурилган елим қовоқ териси ва кўз ичига тушиши мумкин. Бу кўзда турли асоратлар келтириб чиқаради, — дейди шифокор.
Ягона хавф – табиий киприкларнинг тўкилиб кетишидир. Бундай ҳолда улама киприкдан воз кечиб, қайта тикловчи муолажалардан фойдаланиш керак. 99 фоиз ҳолатларда киприклар қайта ўсиб чиқади. Фақат бунинг учун узоқ вақт кутишга тўғри келади.
Изоҳ (0)