Дўкон расталарида терини парвариш қилиш учун турли туман косметика маҳсулотларига дуч келасиз. Бироқ ҳар ким ҳам профессионал косметологга мурожаат қилмасдан туриб қандай крем кераклигини аниқ айта олмайди. Қуйидаги тавсияларни ўқиб чиққандан сўнг, албатта, парвариш косметикасини ўзингиз билиб оласиз.
Таржимадаги қийинчиликлар
Демак, бошлаймиз. Кремнинг қадоғига қарасангиз, аксар ҳолларда ингредиентлар инглиз тилида ёзилганлигини кўриш мумкин. Дарҳақиқат, Косметик ингредиэнтларнинг халқаро номенклатураси ( INCI— International Nomenclature of Cosmetic Ingredients) бўйича лотин тилида ёзилган. Бошқача қилиб айтганда, бутун дунё бўйлаб косметика “INCI тилида” “сўзлашади”. Бир қарашда тушуниш қийин, салгина ҳаракат билан сиз бу тилни ўзлаштира оласиз.
Асосий компонентлар: ҳар бир кремда бор!
Кремларнинг таркиби маълум миқдордаги компонентларни ўз ичига олади. Айнан:
- Сув;
- Қуюқлаштирувчи моддалар ва тузилмалар (кремнинг тузилишини барқарорлаштирувчи компонентлар);
- Ёғлар;
- Биологик фаол моддалар;
- Парфюм таркиби;
- Консервантлар.
Ҳар қандай косметик маҳсулот таркибида кўрсатилган ингредиэнтлар махсус тарзда жойлаштирилади: биринчи навбатда кремдаги таркиби максимал бўлган модда, кейин эса концентрациянинг камайиш тартибида. Таркиби 1 фоиз ёки ундан кам бўлган ингредиэнтлар исталган тартибда рўйхатга олиниши мумкин. Ушбу тамойил барча косметик компаниялар томонидан истисносиз равишда қўлланилади.
Рўйхатнинг юқори қисмида тушунарсиз ингредиэнтларни кўрамиз, аммо улар кремга керакли консистенцияни, сўрилиш тезлигини ва ҳиссийлигини (севимли маҳсулотимизни қўллашда бизга ёқадиган нарсани) беради.
Ўртада эса терини озиқлантирадиган турли хил табиий ёғлар белгиланади. Сўнг биологик фаол моддалар. Бу инновацион компонентлар (пептидлар, витаминлар) ёки сизга таниш компонентлар, масалан, экстрактлар. Улар эҳтиёжларингизга қараб намлаш, ажинларни кетказиш, антиоксидант ҳимоя қилиш, ёшга боғлиқ доғларни олиб ташлаш ва ҳоказо бўйича маркетинг талабларини бажаради.
Фаол моддалардан кейин парфюмерия таркиби келади. Бу косметик маҳсулотга ёқимли ҳид беради. Бунинг ортидан консервантлар ва ниҳоят — алергенлар жой олади.
Қуруқ тери учун кремлар
Агар сизнинг тери қуруқ бўлса, биринчи навбатда композициядаги ёғларга эътибор қаратинг. Чунки турли хил табиий ёғлар кўп миқдордаги ёғ кислоталарини ўз ичига олади. Улар тери чегарасининг яхлитлигини сақлайди, яъни улар намлик йўқолишини камайтиради. Крем қадоғидан қуйидаги ёғларни қидиринг: кунгабоқар ёғи (Helianthus Annuus (Sunflower) Seed Oil), зайтун (Olea Europaea (Olive) Fruit Oil), Jojoba (Simmondsia Chinensis (Jojoba) Seed Oil), ши (Butyrospermum Parkii (Shea) Butter) va кокос (Cocos Nucifera (Coconut) Oil).
Табиий ёғларга қўшимча равишда терида намликни сақлайдиган ингредиэнтлар билан яхшилаш мумкин. Гиалурон кислотаси (гиалурон кислотаси ёки натрий гиалуронат ёки гидролизланган гиалурон кислотаси), карбамид ва глицерин каби. Таркибига керамид қўшилган кремларга ҳам эътибор беринг: Фосфолипидлар ва Сфинголипидлар ёки Серамидларни қидиринг.
Ёғли ва аралаш тери учун кремлар
Бундай турдаги тери учун яхши сўриладиган ёғлар керак: узум данаги ёғи (Vitis Vinifera (Grape) Seed Oil), ширин бодом ёғи (Prunus Amygdalus Dulcis (Sweet Almond) Oil), шафтоли ёғи (Prunus Persica (Peach) Kernel Oil), ним ёғи (Melia Azadirachta Seed Oil) ва ўрмон ёнғоғи ёғи (Corylus Avellana (Hazelnut) Seed Oil). Крем таркибида ёғларнинг мавжудлиги ташвишга солмасин — ёғли терига ҳам табиий ёғлар зарур, чунки улар себум(тери қавати)га ижобий таъсир кўрсатади.
Фаол моддалар орасида (рўйхатнинг ўртасида ва ундан ташқарида) себумни тартибга солувчи ингредиэнтларни қидиринг, масалан, календула экстракти (Calendula Officinalis Flower Extract), эман экстракти (Quercus Robur Wood Extract), ҳаммелис (Hamamelis Virginiana (Witch Hazel) Leaf Extract) ёки занжабил (Zingiber Officinale (Ginger) Root Extract). Аммо рўйхатнинг юқори қисмида Dimetikon / Vinil Dimetikon Krosspolimer ёки Metil Metakrilat Krosspolimer каби функционал компонентлар борлигига эътибор беринг. Бу ортиқча ёғни ўзлаштирадиган ва ёғли кўринишининг олдини олувчи, махсус сиртли ўзаро боғланган полимерлардир.
Оддий тери учун кремлар
Ушбу турдаги терини парвариш қилганда, ёғлар терини ўртача даражада озиқлантиради ва намлайди. Ўрик данаги ёғи (Prunus Armeniaca (Apricot) Kernel Oil), авокадо (Persea Gratissima (Avocado) Oil) ёки какоа (Theobroma Cacao (Cocoa) Seed Butter) сизга мос келиши мумкин. Аллақачон маълум бўлган намловчи ингредиэнтларга қўшимча равишда, табиий намлантиргич (бетаин) моддасини қидиринг.
Таъсирчан тери учун кремлар
Айниқса, таъсирчан ва нозик тери эгалари композицияни диққат билан ўқиб чиқишлари лозим. Бундай тери учун косметика таркибида тинчлантирувчи, қизаришни енгиллаштирадиган ва ҳимоя функцияларини кучайтирадиган компонентлар мавжуд. Тинчлантирувчи ингредиэнтлар орасидан ромашка экстракти (Chamomilla Recutita (Matricaria) Flower Extract) ва аллантоин, шунингдек, пантенолни қидиринг — бу қизаришни енгиллаштиради.
Ши ёғи (Butyrospermum Parkii (Shea) Butter) ва ўрик данаги ёғи (Prunus Armeniaca (Apricot) Kernel Oil) нозик терини мустаҳкамлашга ёрдам беради. Парфюмерия таркибида мавжуд бўлган аллергенларни санаб ўтадиган рўйхатнинг охирига эътибор қаратиш лозим. Агар косметика маҳсулоти гипоаллергеник бўлмаса, унда ушбу ингредиэнтлардан сақланинг: Linalool, Citronellol, Heksil Cinnamal, Butilfenil Metilpropional, Geraniol, Eugenol каби. Ушбу моддалар энг кўп аллергик реакцияга сабаб бўлади.
Ажинлар учун крем
Ажинлар учун крем танлаётганда арган ёғи (Argania Spinosa Kernel Oil) бўлган маҳсулотни топишга ҳаракат қилинг. Фаол моддалар орасида, гиалурон кислотасидан ташқари, пептидлар ва витаминларга эътибор беринг. Пептидлар орасида Тетрапептид-7, Палмитоил Дипептид-10, Палмитоил Трипептид-1 ва бошқалар мавжуд бўлиши керак. Витаминлар таркибига витамин C (натрий аскорбил фосфат) ва Э витамини (токоферил асетат) киради. Ко;пинча улар таркибий қисмнинг охирига яқинроқ жойлашадилар, чунки улар концентрацияда кичик фаолликка эга.
Ниҳоят, косметик маҳсулот таркибининг энг охирида биз консервантларга келдик. Консервантларни киритиш фоизи чекланган ва бу қонун билан тартибга солинади, шунинг учун улар охирида таркибда келтирилади. Консервантлар мукаммал антибактериал хусусиятларга эга, бу сизга узоқ вақт давомида табиий ингредиэнтларга бой косметик маҳсулотни сақлаб қолиш имконини беради. Энг кенг тарқалган парабенлар Метилпарабен ва Пропилпарабендир. Парабенсиз косметика мухлислари феноксиэтанол, этилҳексилглисерин, каприлил гликол ва ҳексилен гликол консервантларини излашлари керак.
Ва энди кремнинг таркибига қайта кўз ташланг ва уни “ўқишга” ҳаракат қилинг!
Мавзуга доир:
Изоҳ (0)