Одатда, ҳар куни тўрт дона кипригимизни йўқотамиз. Бироқ киприклар тез тўкилиб, ингичкалашиб қолса, қандай йўл тутиш мумкин? Хавотирга ўрин йўқ, киприкларнинг тўкилишини тўхтатиш ва уларнинг ўсишини тезлаштирувчи бир қанча усуллар мавжуд.
Биринчи сабаб — аллергия
Аллергия қизариш, қичишиш, ёшланган кўзлар ёки бошқа аниқ аломатлар билан юзага чиқиши мумкин. Бироқ шундай аломатлар ҳам кузатилади, масалан, тўғри танланмаган туш ҳеч қандай ноқулайлик туғдирмаса-да, реакция беради, бу эса киприкларнинг тўкилишига сабаб бўлади. Агар киприкларнинг тўкилишидан олдин тушни янгиси билан алмаштирган бўлсангиз ёки аксинча, сизнинг тушингиз 3 ойдан ортиқ ишлатилган бўлса, бу аллергия бўлиши мумкин.
Қандай йўл тутиш керак?
Ҳеч бўлмаганда бир ҳафта давомида ҳеч қандай тушдан фойдаланманг. Бундай ҳолатда кўзингизга аллергияга қарши томчиларни томизишингиз мумкин. Кейин янги, синалган тушни сотиб олинг.
Иккинчи сабаб — қўлингизни яхши ювмайсиз
Ҳамма кўзини ишқалайди, бироқ қўлни яхши ювмасдан кўзни ишқалаш, микро яллиғланиш жараёнини қўзғатадиган инфекцияни осонгина келтириб чиқариши мумкин. Агар кўзингизни тез-тез ишқаласангиз, унданги қон-томирлар сезиларли даражада кўриниб қолади ва кўз, киприклар орасидаги ингичка тери чизиғи қизариб кетади.
Қандай йўл тутиш керак?
Кўзингиздаги барча косметик воситалар қолдиғини ювиб ташланг ва яллиғланишга қарши томчиларни томизишни бошланг. Агар кўзингизнинг ҳолати икки кунда яхшиланмаса, шифокорга мурожаат қилинг.
Учинчи сабаб — киприкларингизни қайирасиз
Киприкларни қайирувчи воситалардан фойдалансангиз, киприкларнинг илдизи шикастланади. Агар сиз ушбу воситани ҳафтада бир мартадан кўпроқ ишлатсангиз киприклар тўкилиши мумкин.
Қандай йўл тутиш мумкин?
Иложи борича киприкни қайирувчи воситалардан фойдаланманг.
Тўртинчи сабаб — қалқонсимон без яхши ишламайди
Агар киприк ва соч тўкилиши бир вақтда кузатилса, бу қалқонсимон безингиз жуда кўп гормонлар ишлаб чиқараётганидан дарак беради.
Қандай йўл тутиш керак?
Қалқонсимон без гормонлари учун қон топширинг. Агар соғлиғингизда қанақадир муаммолар бўлса, шифокор ёзиб берган дориларни қабул қилинг.
Бешинчи сабаб — алопесия
Агар сиз алопесияни бош териси касаллиги деб ўйлаган бўлсангиз, адашдингиз. Алопесиянинг бир нечта турлари мавжуд бўлиб, улар орасида киприк ва қош тўкилиш аломати кузатиладиган турлари ҳам бор.
Қандай йўл тутиш керак?
Бу сиз алопесияга чалингансиз дегани эмас, бироқ сизда бошқа аломатлар бўлмаса ҳам, трихологга мурожаат қилинг.
Изоҳ (0)