Россиянинг Тверь вилоятида истиқомат қилувчи Наталья, маҳаллий салонда киприк улатиб, кўриш қобилиятидан ажралиб қолишига сал қолди. Аёл бу ҳақида «360» телеканалига сўзлаб берган, деб ёзади Today.

Аёлнинг айтишича, у киприк улатиш учун бундан аввал тирноқларини маникюр қилдирилган Еленага мурожаат қилган. Уйга келганидан кейин киприкларида оқ қотиб қолган елим кўзига қадалишни бошлаганидан кейин стилистга қўнғироқ қилиб шикоят қилган, бунга жавобан Елена индинга келиши мумкинлигини билдирган.

Муолажа давомида стилист улама киприкни дарҳол кўчириб ололмаган ва бунинг учун жуда ҳам кўп суюқликдан фойдаланган ва у кўзига кириб кетган. Эски сунъий киприкларни ечиб олганидан кейин, Наталянинг димоғига елимнинг ўткир ҳиди урилган, алал-оқибат муолажа сўнгида чап кўзи очилмаган. Уйга қайтиш давомида эса кўзида лўқиллаш ва оғриқни ҳис қилган ҳамда кўриш қобилияти билан боғлиқ муаммолар кузатила бошланган. Шундан кейин, у стилистдан сифатсиз иш учун пулини қайтариб беришни сўраган.

Унинг қўшимча қилишича, сунъий киприклар «суперклей» орқали ёпиштирилган. Кўз шифокори қабулида кўриш қобилиятидан буткул айрилиши мумкинлигини билган аёл, ушбу ҳикоя билан ижтимоий тармоқларда бўлишишга қарор қилган.