Эҳтимол, бегоналарга қўл меҳнати ёрдамида тайёрланган кутилмаган совғалар бериш энг зўр ғоя бўлмаслиги мумкин. Аммо оналарга айнан шунақаси манзур бўлиши, шубҳасиз. Уларга ҳадя қилинган ҳамма нарса меҳр-муҳаббатнинг белгисидир. Агар сиз бир соатдан кўпроқ вақтингизни сарфлаб, бундай совға ярата олсангиз, у олмос ва зумраддан ҳам қимматроқдир. Шунинг учун, енгингизни шимариб олинг! Бизнинг ғояларимиз орасида сиз, албатта, онангизга нима ёқишини танлайсиз ва буни ўзингиз бажара оласиз.
Фотосуратли калит
Ҳатто, оиланинг энг кичик аъзоси ҳам ўз онасига 8 март куни ўз қўллари билан болалар совғасини ясаши мумкин. Ушбу классик совға қимматли бўлади ва онага ҳаётининг ёқимли дақиқаларини эслатади.
Бунинг учун сизга текис пластик брелок, онангизнинг севимли фотосурати 3х3 см ва чиройли тасма (қадоқлаш учун) керак бўлади. Кичкинадан онага совға тайёр!
Пледлар учун ҳунармандчилик саватчаси
8 март учун ушбу фойдали совға она, бувиси ва қиз дўсти томонидан қадрланади.
Сизга керак бўлади:
- Думалоқ пластик иш юритиш учун чиқинди қоғоз савати
- Мато бўёғи 1 банка
- Жут арқонининг бир нечта шингиллари
- Бир парча мато (пахта, атлас, муслин, канвас)
- Иссиқ ёпиштиргич (пистолет) ва ёпиштирувчи таёқчалар
- Бўёқ чўткаси
Ясалиши:
Буларнинг барчаси билан сиз бир соатдан камроқ вақт ичида замонавий арқон саватини ясашингиз мумкин! Иссиқ ёпиштирувчи пистолетдан фойдаланиб, матони саватининг тагига ёпиштиринг, четларини қатлаб текислаб кетинг.
Ёнларда ортиқча материални кесиб олинг ва матони саватнинг юқори қисмига ёпиштиринг. Тепадаги кигизни кесиб ташлашни истамасангиз, кейинроқ ишлатасиз.
Саватнинг тагидан бошлаб, ипни иссиқ елим билан ёпиштиринг ва бутун саватни ўраб олинг, саватнинг тепа қисмининг четига тўғридан-тўғри тиқилиб қолганда елимлашни тўхтатинг.
Матони сават ичига солинг. Ва арқонни ташқи тарафдан ўранг.
Елим қилинган жойлар қуриганидан сўнг, бўёқ чўткасини олинг, бўёққа ботириб олинг ва арқон ўрамига “градиэнт” техникасини қўлланг. Қуюқ соя қанчалик пастда бўлса, баландлаган сари ранг очроқ бўлиши керак.
Ишончимиз комилки, бундай совға қувонч билан қабул қилинади.
“Энг яхши она” кубоги
Агар бола 8 март куни онасига ўз қўллари билан ясалган буюмни совға қилишни истаса, сиз ушбу ғояни таклиф қилишинг. Ҳар қандай чашкани акрил бўёқ билан текис рангга бўяб, “Энг яхши онага” деган чиройли ёрлиқни ёпиштиринг. Ҳатто, картон қоғоздан “кубок” учун “подставка” ясашингиз мумкин. Ушбу совғани ваза сифатида қалбига тегадиган гулларни сақлашингиз мумкин.
Қуроқ ёпинчиқ
8 март учун совғани ўз қўлингиз билан тикишингиз мумкин, ҳатто, сиз ҳеч қачон матоларни кесмаган, умуман, тикиш-бичишни билмасангиз ҳам. Ўзингиз ёқтирган рангдаги матоларни танланг: бу янги мато бўлаклари ёки хизмат муддатини ўтаган нарсаларнинг қисмлари бўлиши мумкин (масалан, футболкалар).
Сизга керак бўлади:
- Матолар
- Иплар
- Игналар (ёки тикув машинаси)
- Қайчи
- Ўлчагич ва бўр
- Синтепон
Қандай тикилади:
Матони бир хил ўлчамдаги квадратларга кесиб олинг. Ноёб нақш яратиш учун уларни тикиб чиқинг. Ёдда тутингки, сизга иккита тайёр қуроқдан тикилган мато керак бўлади. Матолар орасига синтепонни бир текис қилиб ёйиб чиқинг. Даставвал, барча қирраларни тикиб қўйинг. Ёпинчиқни катта чоклар билан квадрат шаклида тикиб чиқинг. Ушбу қўлда тикилган адёл билан яқинларингизни хурсанд қилинг.
Журнал столи учун идиш-товоқ савати
Ўқувчингиз ўз қўллари ёрдамида 8 март куни ўқитувчисига деярли мустақил равишда совға ясаши мумкин. Агар у яхши ўқитувчи бўлса, у боланинг ҳаракатларини қадрлаши лозим.
Сизга керак бўлади:
- Юпқа картон бўлаги
- Жут арқонининг бир қисми
- Иссиқ ёпиштиргич (пистолет) ва ёпиштирувчи таёқчалар
- Мато бўёқлари (ихтиёрий).
Қандай ясалади:
Картоннинг пастки қисмини, керакли диаметрда кесиб олинг. Ишни пастки қисмини шакллантиришдан бошланг. Елимланган ипнинг бир учини пастки қисмнинг ўртасига ёпиштиринг ва доиралар ҳосил қилинг. Елим қуригунча маҳкам ушланг.
Пастки қисми тайёр бўлгач, идишнинг ён деворларини арқонни елимлаб айлантириб ўраган ҳолда ҳосил қилинг. Идиш чиройли шаклга эга бўлиши учун деворлар баланд бўлмаслиги керак (арқоннинг 3-5 бурилиши баландлик қилади). Ипнинг учини ичкаридан идишнинг деворига тиқиб маҳкамлаб қўйинг. Ва безаклар бериш — бу ёғи дидингиз ва тасаввурингизга ҳавола. Сиз уни турли хил ранглар билан бўяшингиз, бисерлар тикиб, сунъий патлар, тасмалар билан безанг.
Тўқилган шарф
Баҳорнинг илк кунлари об-ҳаво ҳали барқарор эмаслиги сабабли, 8 март учун мустақил шарф тўқиб яқинингизга совға қилинг. Тўқишда профессионал ёки бошланғич бўласизми, шарф кундалик ҳаётда ҳақиқатан ҳам фойдаланиладиган ажойиб буюмдир.
Сизга керак бўлади: қайрилган игналар (курчок ёки спица), иплар ва сабр. Сиз энг оддий нақшни танлашингиз мумкин. Ушбу нақш бундай лойиҳалар учун энг кўп қўлланилган. Совға қилмоқчи бўлган инсонингизнинг севимли рангидаги ипни танланг ва меҳр билан тўқишни унутманг.
Бисерли билагузук
Қизлар болалигидан заргарлик буюмларини ёқтиришади. Мактаб болалари ҳам ўз қўллари билан 8 март куни синфдош изларга совға тайёрлашлари мумкин. Чиройли билагузук ясаш учун зарур бўлган иплар ва қисқичлар билан бирга ҳар қандай ҳунармандчилик дўконидан чиройли мунчоқлар топса бўлади. Бу нафақат билагузук, балки маржон ва, ҳатто, белбоғ ҳам бўлиши мумкин. Вақт ва хоҳиш бўлса, худди шу услубда заргарлик буюмларининг бутун тўпламини ярата оласиз. Синаб кўринг!
Косметика учун сумкача
Агар сиз унга озгина ёрдам берсангиз, ҳатто, кичик рассом ҳам буни қила олади. Ўз қўлларингиз билан ясалган косметика учун сумкача 8 март куни қиз учун ажойиб совғадир.
Сизга керак бўлади:
- Оқ матоли косметика учун сумкача ёки қалам қутиси
- Матони бўяш учун бўёқлар
- Чўтка
- Қоғозли ликопча ёки бўёқ паллети
- Нам қоғоз сочиқ
Қандай безак берилади:
Ўзингизнинг ноёб мавҳум нақшингизни яратинг ва уни чўтка билан косметик сумка (ёки қалам қутиси) матосига қўлланг. Ҳаракатлар енгил, чиройли бўлиб чиқиши учун чўтканинг мато устидаги ҳаракатлари худди “супуриш”га ўхшаган бўлиши керак. Санъат асарини яратгач, бўёқни бироз қуритинг, (2-3 дақиқа). Кейин рангларни мулойимлик билан аралаштириш ва чўтка изларини силлиқлаш учун нам сочиқдан фойдаланинг Мана, ҳақиқий бадиий абстракция!
Оила дарахти плакати
Фарзандингизга 8 март куни бувисига совға яратишда ёрдам беришингиз мумкин. Бувим ўзини ва бобомни оилани мустаҳкамлаш лойиҳасида кўрганидан жуда хурсанд бўлади.
Сизга керак бўлади:
- Авлод оила аъзоларининг фотосуратлари
- Картон
- Ўлчагич, қалам
- Бўёқлар, маркерлар, рангли қаламлар.
Қандай ясалади:
Асосий вазифа — қариндошларнинг фотосуратларини оила дарахти шохларига тўғри жойлаштириш ва исмларни бехато ёзиш. Оилангиз ҳақида тўплашингиз мумкин бўлган барча маълумотлардан фойдаланинг. Оила дарахтининг барглари яшил бўлиши шарт эмас.
Мавзуга доир:
Изоҳ (0)