Ясама киприкдан фойдаланиш гўёки пардоз қилишнинг ажралмас қисмига айланиб қолди. Албатта, тим қора ва қуюқ киприклар барча аёлга ярашади. Шунингдек, ясама киприклар қандай тушдан фойдалансам экан, деган саволнинг пайдо бўлишига йўл қўймайди. Энг муҳими, улар жуда узун ва кўзга ташланувчан бўлмаса, ҳеч ким унинг сунъийлигини сезмайди.
Голливуд юлдузлари ҳам улама киприкдан унумли фойдаланади, ҳатто ундан воз кечолмайди. Уларнинг аксариятида киприкларнинг улама эканлиги яққол сезилиб турса, айримларида бунинг акси.
Меган Фокс
Актриса Меган Фокс кўзига ажойиб тарзда урғу беради. У фойдаланадиган киприк табиий кўринишда бўлиб, кўзининг сиртқи бурчаклари ҳам чиройли шаклга кирган.
Ким Кардашьян
Ким Кардашьянни улама киприкларсиз кўриш кўчада филни учратиб қолиш билан баробар. Юлдуз ёрқин пардозни янада бойитувчи узун киприкларни яхши кўради. Айтганча, Кардашьян айрим кам сонли қизлар каби пастки киприкларни ҳам улатган.
Кайли Женнер
Гўзал қизалоқ Кайли Женнер ташқи кўринишида тажриба қилиб кўришни яхши кўради. Гоҳида сочини тубдан бошқа рангга бўяйди, дангасалик қилса, парик кияди. Шунингдек, бурун шаклини ўзгартиради ёки лабини шиширади. Кайлининг ўзига хослиги ҳам шунда, у шунчаки узун киприкларни яхши кўради ва мунтазам равишда ундан фойдаланади.
Кристина Агилера
Кристина ҳам сунъий киприкларнинг мухлисидир. Хонанда беҳуда нарсаларга вақт сарфламайди, Мерилин Монро образига мос тушадиган қалин ва узун киприклардан фойдаланади.
Женнифер Лопес
Жей Ло улама киприк гўзаллигидан баҳраманд бўлган биринчи машҳур юлдузлардан. У кўпроқ устки киприкларга эътибор қаратади ва пастки киприкларга туш билан ишлов беради.
Ева Лонгория
Актриса Ева узун ва қуюқ киприкларни яхши кўради, асосан, кўзга урғу беради. У пардозда ҳам нафис, табиий кўринишга ҳаракат қилади. Акс ҳолда унинг образи жуда ҳашамдор кўринар эди.
Изоҳ (0)