Тошкент шаҳрида Республиканинг бошқа ҳудудлари сингари ўтказилаётган “Долзарб 40 кунлик” махсус профилактик тадбирлари доирасида яна 5 киши қамоққа олинди.
Пойтахт ИИББ матбуот хизмати берган хабарга кўра, тадбир давомида ўтказилган тергов-тезкор ҳаракатлар давомида жиноят содир этганликда гумонланиб қуйидаги шахслар ушланди:
- 1993 йилда туғилган Ўринов Умиджон Бахтиёр ўғли (Жиноят кодекси 277-моддаси 2-қисми, бир гуруҳ шахслар томонидан безорилик);
- 1995 йилда туғилган Бегматов Асадулло Холмат ўғли (Жиноят кодекси 277-моддаси 2-қисми, бир гуруҳ шахслар томонидан безорилик).
- 1987 йилда туғилган Собиржонов Хасан Абдусаматович (Жиноят кодекси 277-моддаси 3-қисми, безорилик);
- 1987- йилда туғилган Собиржонов Хусан Абдусаматович (Жиноят кодекси 277-моддаси 3-қисми, безорилик).
- 1990 йилда туғилган Жалилов Хасан Назарович (жиноят кодекси 277-моддаси 2-қисми, бир гуруҳ шахслар томонидан безорилик).
Гумон қилинувчиларга нисбатан қамоққа олиш эҳтиёт чораси танланган. Тергов давом этмоқда.
“Агар Сиз ушбу шахслардан жабр кўрган бўлсангиз ёки ушбу шахсларнинг жиноий хатти-ҳаракатлари бўйича маълумотларга эга бўлсангиз, Тошкент шаҳар ИИББнинг 71-206-45-69, 71-206-49-46 ёки 102 рақамларига ёхуд 99-370-73-94 телеграм рақамига мурожаат қилишингизни сўраймиз”, — дейилади хабарда.
Тошкент шаҳрида “Саидазиз медгородок”, “Бахти Ташкенцкий” лақаби билан танилган шахслар ва яна уч киши қўлга олинганди. Шундан сўнг яна 10 киши жуда кўп миқдорда товламачиликда айбланиб ушланди, 6 декабрь куни яна 10 киши қўлга олингани хабар қилинди.
Изоҳ (0)