Тошкент вилоятида Республиканинг бошқа вилоятлари сингари ўтказилаётган “Долзарб 40 кунлик” махсус профилактик тадбирлари доирасида 34 киши қўлга олинди, деб хабар берди вилоят ИИББ матбуот хизмати.
Махсус хизмат ва ҳуқуқ-тартибот идоралари томонидан ўтказилган рейд тадбирлари давомида 34 нафар жиноий гуруҳ аъзолари қўлга олиниб, уларнинг 11 нафарига нисбатан жиноят иши қўзғатилган, 23 нафари маъмурий тартибда қамоққа олинган
Тадбир давомида ушбу ва бошқа шахслардан ноқонуний равишда сақлаб келинган 13 дона пневматик ва ов қуроллари, ўқ-дори ва электрошокер, турли ҳажм ва кўринишдаги пичоқ, кастет ва биталар олиб қўйилган.
Гиёҳвандликка қарши кураш йўналишида 50 дан ортиқ ҳолатлар фош этилиб, 11 кило гиёҳвандлик моддалари ва 8 минг 703 дона психотроп ва кучли таъсир қилувчи дори воситалари ноқонуний муомаладан олинган.
Тезкор қидирув тадбирларида жиноят содир этиб, суд ва тергов органларидан яширинган 64 нафар қидирувдаги шахслар ушланган, 2 нафар бедарак йўқолган фуқаро топилиб оиласига қайтарилган.
Ҳозирда махсус-рейд тадбирлари давом эттирилмоқда.
Изоҳ (0)