Toshkentda amalga oshirilayotgan “Dolzarb qirq kunlik” tezkor-profilaktik tadbirlar davomida poytaxt IIBB va boshqa huquqni muhofaza qiluvchi organlar bilan hamkorlikda giyohvandlik vositalarining noqonuniy muomalasi bilan shug‘ullanuvchi bir qator shaxslar aniqlandi.
Jumladan, Sergeli tumanida istiqomat qiluvchi 1968-yilda tug‘ilgan Xusnitdin Saidmetovning uyida xolislar ishtirokida o‘tkazilgan tintuv jarayonida 500 gramm marixuana giyohvandlik vositasi aniqlanib, ashyoviy dalil sifatida rasmiylashtirib olingan.
Shuningdek, Uchtepa tumanida istiqomat qiluvchi 1970-yilda tug‘ilgan Ilyos Axunovning uyida xolislar ishtirokida o‘tkazilgan tintuv jarayonida 1 gramm gashish, 1 gramm marixuana, 1 gramm ko‘knor boshog‘i giyohvandlik vositalari, bir dona elektron tarozi va ikki dona giyohvandlik vositalarini iste’mol qilish uchun mo‘ljallangan yelim idishlar aniqlangan.
Yunusobod tumanida istiqomat qiluvchi 1980-yilda tug‘ilgan Azizxon Avliaxanov uyida xolislar ishtirokida o‘tkazilgan tintuv jarayonida 0,05 gramm geroin giyohvandlik vositasi aniqlanib, ashyoviy dalil sifatida rasmiylashtirib olingan.
Bundan tashqari, Yangihayot tumanida 2002-yilda tug‘ilgan Bekzod Jurayev boshqaruvidagi Lacetti to‘xtatilib, xolislar ishtirokida o‘tkazilgan 0,05 gramm gashish giyohvandlik vositasi aniqlanib, ashyoviy dalil sifatida rasmiylashtirib olingan.
Izoh (0)