Ўзбекистонда хизмат кўрсатган артист, кино ва театр актёри Фарҳод Абдуллаев оғир жудоликка учради. Унинг онаси вафот этди. Бу ҳақда Кинематография агентлиги ахборот хизмати хабар берди.
“Кинематография агентлиги Ўзбекистонда хизмат кўрсатган артист, кино ва театр актёри Фарҳод Абдуллаевга волидайи муҳтарамаларининг вафоти муносабати билан чуқур ҳамдардлик изҳор қилади”, — дейилади хабарда.
Фарҳод Абдуллаев интервьюларидан бирида онаси 9 фарзанд — 7 ўғил ва икки қизни ёлғиз ўзи катта қилгани ҳақида сўзлаб берган.
“Кўпчилик менда санъатга бўлган қизиқиш қаердан пайдо бўлганига қизиқади. Чунки оиламизда мендан аввал санъаткор бўлмаган. Бироқ отам раҳматли ва онам санъатга ошуфта инсонлар эди. Онам болалигимда сўрида кўрпача қавиб, қўшиқ хиргойи қиларди. “Ошиқ ғариб ва Шоҳсанам” достонидан қўшиқлар куйларди. Шу тарзда, санъатга меҳр қўйишимда онамнинг ҳиссалари катта”, — деган эди актёр.
Изоҳ (0)