Ишдан кейин Netflix ёки HBO’дан фильм томоша қилиш ҳордиқ чиқариш учун яхши танлов. Аммо шундай фильмлар борки, уларга сарфланган маблағга бир нечта фильм ва сериаллар суратга олиш учун мумкин.
“Тонгги шоу” — ҳар бир эпизод учун 15 миллион доллар
Мана 4 фаслдирки, телебошловчи Алекс Леви томошабинларга журналистлар оламини парда ортидан кўрсатиб келмоқда. Айтганча, бош қаҳрамон ролини Женнифер Энистон ижро этади. Аммо ижодий гуруҳ таркибида бошқа машҳур актёрлар ҳам бор.
“Сўқирлар жанги” — ҳар бир эпизод учун 15 миллион доллар
Картинада Жейсон Момоадан ташқари, кўплаб машҳур актёрлар ҳам иштирок этади. Сериалнинг суратга олиш гуруҳига “Маймунлар сайёраси”, “Шелбилар оиласи” ва “Ҳаёт-мамот ўйинлари”нинг сўнгги қисмлари устида ишлаган муаллифлар киради.
“Мандалориялик” — ҳар бир эпизод учун 15 миллион доллар
Бутун дунё сериални илиқ қабул қилди. Лойиҳа актёрлар таркиби, катта бюджет ва кичкинтой Йода туфайли оламшумул муваффақиятга эришди. Айтганча, пулнинг катта қисми, деярли 5 миллион доллар Йоданинг ўзигагина сарфланган. Лекин ҳар бир сент бунга арзийди.
“Тахтлар ўйини” — ҳар бир эпизод учун 15 миллион доллар
Томошабинлар ҳали ҳам HBO’нинг асосий лойиҳаси кўламидан ҳайратда. Минглаб “массовка”лар, улкан аждарлар ва ҳақиқий қиличлардан ясалган Темир тахт... Умуман олганда, изоҳга ҳожат йўқ.
“Аждаҳо уйи” — ҳар бир эпизод учун 20 миллион доллар
Бу лойиҳа “Тахтлар ўйини”дан бир оз қимматроқ. Бу ерда ҳам аждарлар бор — буюк Таргарен уйининг тирик вакиллари ҳам. Тасаввур қилинг-а, бутун оилани қайта тиклаш қанча туради. Айниқса, уй ҳайвонлари билан.
“Тинч океан” — ҳар бир эпизод учун 21 миллион доллар
Том Ҳэнкс ва Стивен Спилберг кичик сумма учун ишламайди, бунга шубҳа йўқ. Бироқ HBO бу икки актёрни бир фильмда суратга олиш учун пулларни аямади ва яна бир дурдона асар яратди.
Marvel сериаллари — ҳар бир эпизод учун 25 миллион доллар
Компаниянинг сўнгги картиналари мухлисларга унчалик ёқмади. Аммо бу ҳали ҳам Marvel ни янги лойиҳаларни ишлаб чиқаришга кўп пул сарфлашга тўсқинлик қилмайди: “Ванда/Вижн”, “Локи” ва бошқа фильмларга ҳам анча-мунча пул сарфланган.
“Ажабтовур ишлар” — ҳар бир эпизод учун 30 миллион доллар
Лекин ёлғиз Marvel эмас, Netflix ҳам махсус эффектлар ва илмий фантастик лойиҳалари билан машҳур. Айниқса, “Ажабтовур ишлар” каби фильмни суратга олишда ҳар бир эпизод учун 30 млн доллар сарфланган.
“Қалъа” — ҳар бир эпизод учун 50 миллион доллар
Сўнгги “Қасоскорлар” фильмининг продюсерлари шоу устида ишламоқда, бироқ бу Amazon катта маблағ сарфлаётган ягона лойиҳа эмас. Лойиҳани амалга ошириш учун компания дунёнинг турли бурчакларида ишлайдиган учта суратга олиш гуруҳидан ҳам фойдаланади.
“Узуклар ҳукмдори: қудрат узуклари” — ҳар бир эпизод учун 58 млн доллар
Улкан олам, бутун дунё бўйлаб миллионлаб мухлислар. Бундай пайтда ижодкорлар гуруҳи куч ва пулни аямасдан меҳнат қилади. Amazon ҳам шундай қилди. Аммо кейинги мавсумлар, эҳтимол, арзонроқ бўлар, чунки асосий декорация аллақачон йиғилган.
Изоҳ (0)