Дунёга машҳур актёр ва актрисалар ҳамма нарсага ўз кучи билан эришган бўлса-да, уларнинг ортида меҳнатсевар ва меҳрибон ота-оналари турган.
Женна Ортега
Женна Ортега биринчи марта 2016—2018 йилларда Disneyънинг “Ҳарлининг ҳаёти” ва “Сен” драматик сериалида суратга тушганида шуҳрат қозонган. Аммо ҳақиқий машҳурлик 2021—2022 йилларда келди — Женна “Уэнздей” сериалида, шунингдек, “Қичқириқ” ва “Х” фильмларида иштирок этди. Албатта, буларнинг ҳаммасига Женна ўз кучи билан эришди, лекин ҳафтасига 5 кун ҳамшира бўлиб ишлайдиган ва қизи навбатдаги кастингдан ўтиши учун 6 соат йўл босишга тайёр бўлган онасининг ёрдамисиз у бу даражага етолмасди. Женна таъкидлаганидек, ота-онаси кино оламидан бутунлай узоқда. Унинг сўзларига кўра, у таниқли ва обрўли одамлар билан бир фильмда ишлаб, суратга тушиб келиши мумкин, аммо ота-онасини нима учун идиш ювмагани кўпроқ қизиқтиради.
Крис Эванс
Крис Эванс фаолиятини 16 ёшидаёқ бошлагани учун тиш шифокори бўлиб ишлайдиган отасига раҳмат айтиши керак. Криснинг онаси эса кинога яқинроқ соҳа — Ёшлар театрининг бадиий раҳбари бўлиб ишлайди.
Марго Робби
Марго Робби онаси, акалари ва синглиси билан оилавий фермада ўсган. Унинг отаси Марго беш ёшида оиласини ташлаб кетган, шу сабабдан ҳам актриса отаси ҳақида гапиришни ёқтирмайди. Робби физиотерапевт бўлиб ишлаган ва қолган вақтини уй юмушлари билан ўтказадиган онасидан кўп нарса ўрганган.
Марго актрисалик фаолиятини бошлаганидан кейин онасининг қарзини тўлаш учун пул йиғишни бошлайди. Маълум бўлишича, Марго онаси унга сарфлаган барча пулларни ёзиб қўйган. Меҳрибон қиз бу ишнинг уддасидан чиқади — “Уолл-стрит бўриси” фильмидаги ролидан кейин онасининг ипотека қарзини тўлайди.
Леонардо Ди Каприо
Леонардонинг онаси Ирмелин Ди Каприо юридик саволлар бўйича котиба бўлиб ишлаган, отаси Жорж эса оддий ёзувчи ва комикслар чизувчи рассом бўлган. Айнан Ди Каприонинг отаси бўлажак актёрда комиксларга меҳр уйғотади. Шунингдек, у ўғлини турли концерт ва ҳиппи парадларга олиб боради. Леонинг болаликдаги энг ёқимли хотираларидан бири — отаси билан концертга борганида Жорж Леони саҳнага чиқаради ва у юзлаб одамлар олдида рақсга тушади.
Жессика Честейн
Жессика Честейн ҳар доим кучли иродали, мустақил аёллар ролини ўйнайди. Бунинг ажабланарли жойи йўқ, чунки Жессиканинг болалиги осон кечмаган. Унинг ёлғиз онаси болаларини бир нечта жойда ишлаб, боқишга ҳаракат қилган. Баъзан болалари қорни оч ухлаб қолган вақтлари ҳам бўлган, лекин айнан мана шундай тарбия Жессикага нафақат ўзинг, балки бошқалар ҳақида ҳам ўйлаш керак, деган тамойилни сингдиради.
Изоҳ (0)