O‘zbekistonda xizmat ko‘rsatgan artist, kino va teatr aktyori Farhod Abdullayev og‘ir judolikka uchradi. Uning onasi vafot etdi. Bu haqda Kinematografiya agentligi axborot xizmati xabar berdi.
“Kinematografiya agentligi O‘zbekistonda xizmat ko‘rsatgan artist, kino va teatr aktyori Farhod Abdullayevga volidayi muhtaramalarining vafoti munosabati bilan chuqur hamdardlik izhor qiladi”, — deyiladi xabarda.
Farhod Abdullayev intervyularidan birida onasi 9 farzand — 7 o‘g‘il va ikki qizni yolg‘iz o‘zi katta qilgani haqida so‘zlab bergan.
“Ko‘pchilik menda san’atga bo‘lgan qiziqish qayerdan paydo bo‘lganiga qiziqadi. Chunki oilamizda mendan avval san’atkor bo‘lmagan. Biroq otam rahmatli va onam san’atga oshufta insonlar edi. Onam bolaligimda so‘rida ko‘rpacha qavib, qo‘shiq xirgoyi qilardi. “Oshiq g‘arib va Shohsanam” dostonidan qo‘shiqlar kuylardi. Shu tarzda, san’atga mehr qo‘yishimda onamning hissalari katta”, — degan edi aktyor.
Izoh (0)