IndieWire маълумотларига кўра, 2023 йилда киностудиялар томонидан бюджет миқдори 200 миллиондан ортиқ бўлган, 13 та фильм суратга олинган. Аммо йил охирига келиб, фильмларнинг ҳаммаси ҳам ўзини оқламагани айтилди.
Журналистларнинг фикрига кўра, 13 та потенциал блокбастерлардан фақатгина “Галактика қўриқчилари. 3-қисм” фильми фойда келтирган. Картина 250 миллион доллар бюджет сарфлаб, 845 миллион доллар даромад келтирган.
Кўпгина ҳолларда, фильмларнинг кассаси сарфланган бюджетдан сезиларли даражада кўпроқ бўлади, лекин фильм рекламаси ва бошқа харажатлар туфайли компаниялар катта йўқотишларга дуч келиши ҳам мумкин. Маълумотларга кўра, киностудиялар катта бюджетли фильмлар рекламаси учун тахминан 100 миллион доллар сарфлайди.
IndieWire таъкидлашича, уларнинг ҳисоб-китоблари якуний эмас, чунки аниқ даромад маълумотлари, жумладан, бошқа хизматлардан олинадиган даромадлар кейинроқ маълум бўлади.
Жадвал қуйидаги кўринишда:
- “Галактика қўриқчилари. 3-қисм” — 250 млн доллар / 845 млн доллар;
- “Форсаж-10” — 340 млн доллар / 714 млн доллар;
- “Индиана Жонс ва тақдир ғилдираги” — 295-300 млн доллар / 384 млн доллар;
- “Кичик сув париси” — 297 млн доллар / 570 млн доллар;
- “Уддалаб бўлмас топшириқ” — 291 млн доллар / 568 млн доллар;
- “Капитан Марвел 2” (давом этмоқда) — 220 млн доллар / 188 млн доллар;
- “Флеш” — 200-220 млн доллар / 271 млн доллар;
- “Чумоли одам ва Ари: Квант олами” — 200 млн доллар / 476 млн доллар;
- “Элементар” — 200 млн доллар / 496 млн доллар;
- “Гулли ой қотиллари” (давом этмоқда) — 200 млн доллар / 151 млн доллар;
- “Трансформерлар: махлуқлар юксалиши” — 195-200 млн доллар / 439 млн доллар;
- “Эзгу тилак (давом этмоқда) — 200 млн доллар / 49 млн доллар;
- “Наполеон” (давом этмоқда) — 200 млн доллар / 79 млн доллар.
Бундан ташқари, декабрь ойида бюджети 200 миллион доллардан ортиқ бўлган яна бир фильм — “Аквамен ва йўқолган қироллик” картинаси чиқади. IndieWire’нинг фильмни яхши даромад олиш имкониятига эга деб ҳисобламоқда.
Изоҳ (0)