Янги йил яқинлашиб қолди, байрамона муҳитни ҳис қилишга ёрдам берадиган севимли фильмлар рўйхатини тузишнинг айни вақти.
“Янги Рождество эртаги”
Фильм Чарльз Диккенснинг “Рождество қўшиқлари” асари асосида суратга олинган. Бош қаҳрамон Фрэнк бой, такаббур тадбиркор. Рождестводан бир кун олдин у учта руҳга дуч келади — Рождество ўтмиши, бугуни ва келажак. Бу руҳлар байрамларнинг асл маъносини очишга ва Фрэнкнинг ҳаётга бўлган қарашларини ўзгартиришга ҳаракат қилади. Саёҳат ёрдамида Франк ўтмишда қилган ёмон ишлари бошқа одамларга қандай таъсир қилганини ўз кўзи билан кўради.
“Клаус”
Мультфильм худбин почта ходими Жаспер ҳақида ҳикоя қилади. Отаси ўғлида почтачиликка меҳр уйғотиш учун бор кучи билан ҳаракат қилади. Бироқ Жаспер бунга мутлақо қизиқмайди. Шундан сўнг беғам ўғлига сабоқ бериш мақсадида отаси уни Арктикадан ташқарида жойлашган кичик шаҳарчага юборади.
Бу шаҳарда Жаспер сирли ўйинчоқ ишлаб чиқарувчи Клаус билан танишади. Улар биргаликда бутун шаҳар бўйлаб болаларга ўйинчоқлар етказиб беришни бошлайди ва бу воқеалар барчанинг ҳаётини тубдан ўзгартиради.
“Рождество таътили”
Ушбу фильм Грисволдлар оиласининг Рождество байрамидаги саргузаштлари ҳақида ҳикоя қилади. Бош қаҳрамон Кларк Грисволд мукаммал оилавий байрам ўтказишга қарор қилади ва барча қариндошларини уйига таклиф қилади. Бироқ саъй-ҳаракатларига қарамай, ҳаммаси режалаштирилганидек кетмайди: гулчамбар билан боғлиқ муаммолардан тортиб, одамни ўғирлашгача юз беради.
“Махфий қорбобо хизмати”
Сюжет воқеалари Санта Клауснинг кенжа ўғли Артур атрофида содир бўлади. Артур ўзини кўрсатишга иштиёқманд, лекин оилада ҳеч ким уни жиддий қабул қилмайди. Рождество арафасида у бутун йил давомида яхши хулқли бўлган Гвен исмли қизнинг хатини топиб олади. Бироқ хатолик туфайли энди қизча байрам совғасисиз қолиши мумкин. Натижада Артур қизчага совғасини топшириш учун хавфли ишга бел боғлайди.
“Санта Клаус”
Фильм бош қаҳрамони Скотт Келвин хотини билан яқинда ажрашган. У ўзаро муносабатларини мустаҳкамлаш умидида ўғлини Рождество байрамига олиб боради. Бироқ Рождество арафасида у уй томида ғалати чолни кўриб қолади. Скотт уни қўрқитиб юборади ва қорбобо юрак хуружига учрайди. Шунда қаҳрамон бу чолнинг Санта Клаус эканлигини тушунади. Энди бош қаҳрамон барча масъулиятини ўз зиммасига олиши керак: Шимолий қутбга саёҳат қилиши, элфлар билан ишлаши ва бутун дунё бўйлаб совғаларни етказиб бериш унинг бўйнида.
“Ёмон Санта”
Бу қора комедия Уилл ва Терман ҳаёти ҳақида. Уилл — ҳеч омади келмайдиган фирибгар. У шериги билан биргаликда савдо марказида Санта Клаус бўлиб ишлайди. Улар дўкон ўмаришни режалаштирган. Бироқ қўполлиги ва ахлоқсиз хатти-ҳаракатларига қарамай, Уилли ғалати бола — Терман билан тил топишади. Терман Уиллидан яхши нарсалар ўрганади ва ҳаётини ўзгартиришга ҳаракат қилади.
“Чин муҳаббат”
Фильм Лондонда Рождество мавсумида содир бўлган бир нечта ҳикоялардан иборат. Қаҳрамонлар орасида ўз ходимига ошиқ бўлган бош вазир; оилавий ҳаёти кўз ўнгида парчаланиб бораётган болалар ёзувчиси; тўйга тайёргарлик кўраётган эр-хотин ва бошқалар бор. Рождество арафасида барча қаҳрамонларнинг тақдири бир-бири билан чамбарчас боғлиқлиги эса ҳеч кимнинг хаёлига ҳам келмайди.
“Эльф”
Фильм Бадди исмли эльф ҳақида ҳикоя қилади, у Шимолий қутбда эльфлар томонидан тарбияланган. У бошқа элфларга ўхшамаслиги аён бўлгач, ҳақиқий отасини топиш учун Нью-Йоркка боради. Бадди болаларча соддалик ва беғуборликка тўла. У катта шаҳар ҳаётига мослашишга ҳаракат қилади, отаси эса Рождество мўжизаларига ишонмайди.
Изоҳ (0)