Isroil mudofaa kuchlari G‘azo sektorida jangovar harakatlar qayta boshlanganini ma’lum qildi, deb xabar bermoqda BBC.
Isroillik harbiylar HAMASni janglarda operativ pauza shartlarini buzganlikda va Isroil hududini o‘qqa tutganlikda aybladi.
“Isroil armiyasi G‘azo sektorida HAMAS terror tashkilotiga qarshi jangovar operatsiyalarni qayta boshladi”, — deyiladi harbiy bayonotda.
Eslatib o‘tamiz, Isroil va HAMAS o‘rtasidagi sulh 24-noyabrdan beri davom etayotgandi. Dastlab sulh to‘rt kunga kelishilgan, ammo keyinroq uzaytirilgan.
Otashkesim tomonlarga HAMAS garovga olgan asirlar va Isroil qamoqxonalarida saqlanayotgan falastinliklarni almashishni boshlash imkonini berdi. Umuman olganda, sulh boshlanganidan beri HAMAS 90 ga yaqin asirni, Isroil esa 180 dan ortiq mahbusni ozod etdi.
Izoh (0)