Европа Иттифоқи давлатларининг ҳарбий харажатлари 2022 йилда 6 фоизга ошиб, рекорд даражада — 240 миллиард еврони ташкил қилди.
Бу ҳақда Европа мудофаа агентлиги маълум қилди.
Унга кўра, Европа Иттифоқининг 27 давлатидан 20 таси мудофаа харажатларини оширган, улардан олтитасида ҳарбий харажатлар 10 фоиздан кўпроққа ошган.
Люксембург ҳарбий харажатларни 27,9 фоизга, Литва — 27,6 фоиз, Испания — 19,3 фоиз, Бельгия — 14,8 фоиз ва Греция — 13,3 фоизга ошириб, рекордчилар қаторидан жой олди.
Ҳарбий харажатларнинг деярли олтидан бир қисми — 58 миллиард евро янги турдаги қуролларни олишга қаратилган.
Агентлик ушбу маблағларнинг қанча қисми Украинага ҳарбий ёрдам учун сарфланганига аниқлик киритмади.
Аввалроқ Европа Иттифоқининг ташқи сиёсат бўйича раҳбари Жозеп Боррел ЕИ давлатлари Украинага 27 миллиард евролик қурол етказиб берганини, бу 2022 йилдаги барча ҳарбий харажатларнинг 11 фоизидан ошганини маълум қилганди.
Изоҳ (0)