Аннексия қилинган Қрим аҳолисидан кўра, оккупация қилинган Донбасс аҳолисини “ақлан” ортга қайтариш Украина учун қийин кечади, чунки Донбассда 10 йилдан бери жанговар ҳаракатлар давом этмоқда. Украина президенти Владимир Зеленский Николаевдаги университет талабалари билан учрашувда шундай фикр билдирди.
Зеленский Украина ўзини ўзи республика деб эълон қилган Донецк ва Луганск халқ республикалари ҳудудини уларнинг аҳолисидан аввал қайтариб олиши мумкинлигини айтди.
Бир пайтлар шерикларим менга: Қримни қайтариш деярли имконсиз, Донбассни қайтариш эса жуда қийин бўлишини айтишганди. Менимча, агар гап одамлар ҳақида кетаётган бўлса, нима бўлганда ҳам, ҳудудлар одамлари билан қайтади, агар одамларнинг ўзи буни хоҳламаса, жараён қийин кечади.
Ҳатто ҳозир ҳам, Россия бизга қарши курашаётган бир пайтда, энг қаттиқ сепаратистлар у ерда турибди, руслар қочяпти, лекин улар турибди. Бу ҳам нимадандир далолат беради. Аммо Қримда ҳеч қандай жанговар ҳаракатлар бўлмаган, шунинг учун мен Қрим қайтишни кутаётганига ишонаман, Донбасс ҳам кутмоқда, лекин бу жуда қийин бўлади, чунки бу ҳудуднинг аксарияти ишғол қилинган ва максимал даражада ҳарбийлаштирилган”, — деди Зеленский.
Украина расмийлари Россия билан урушни Россия ҳарбийлари барча босиб олинган ҳудудлардан, жумладан, аннексия қилинган Қрим ва 2014 йилда сепаратистлар томонидан босиб олинган Донбасс ҳудудларидан чиқиб кетганидан кейингина тўхтатиш мумкинлигини бир неча бор таъкидлаган.
2022 йил кузида Россия Украинанинг босиб олинган ҳудудларини: ДХР ва ЛХР, Запорожье ва Херсон вилоятларини аннексия қилди.
Изоҳ (0)