Литва ички ишлар вазири Агне Билотайте Интерпол бош котиби Юрген Шток билан Венада (Австрия) бўлиб ўтган Интерпол Бош ассамблеясининг 91-сессиясида Москва ва Минскнинг ташкилотдаги ҳуқуқларини чеклашга чақирди. Бу ҳақда Литва Ички ишлар вазирлиги матбуот хизмати хабар берди.
Литва ИИВ раҳбарининг сўзларига кўра, Интерпол “Россия ёки Беларусь каби нодемократик давлатлар ўз сиёсий мақсадларига эришиш йўлида аъзоликдан фойдаланмаслиги учун ҳамма нарсани қилиши керак”.
Халқаро ҳамжамият Интерпол каналининг суиистеъмол қилинишига, ўзи ва бошқа давлатлар фуқароларининг сиёсий мақсадларда таъқиб қилинишига тоқат қила олмайди, — деди у.
Литва расмийсининг таъкидлашича, Россия ва Беларусь доимий равишда ўз сиёсий сўзини ўтказиш йўлларини қидиради.
Интерпол Бош ассамблеяси ҳам бундан мустасно эмас ва бу мазкур давлатлар томонидан таклиф этилган резолюция лойиҳаларида яхши акс эттирилган. Биз бундай таклифлар қабул қилинмаслигига ишонч ҳосил қилишимиз керак, — деди вазир.
Билотайте, шунингдек, Интерпол раҳбариятига “Россиянинг Литва фуқароларига қарши жиноятларини тергов қилишда иштирок этган Литва судьялари, прокурорлари ва бошқа мансабдор шахсларининг принципиал позицияси ва ҳимояси учун” миннатдорлик билдирди.
Изоҳ (0)