АҚШ президенти Жо Байден Исроил бош вазири Биньямин Нетаньяхуга унинг Ғазо сектори жанубида уруш бошлашга тайёрланаётганидан хавотирда эканини маълум қилди, деб хабар бермоқда Американинг Axios нашри. Журналистларга кўра, Байден Исроил раҳбариятини Фаластин анклавининг жанубида кенг кўламли ҳарбий амалиётларни бошламасликка ундамоқда.
Axios суҳбатдошларининг сўзларига кўра, Биньямин Нетаньяху билан яқинда бўлиб ўтган телефон суҳбати чоғида Байден унга Исроил армияси ҳозирда Ғазо сектори жанубида қуруқликдан тўлиқ ҳужум операциясини ўтказа олмаслигини, бундай ҳужум “миллионлаб фаластинликларнинг муқаррар ўлимига” олиб келиши мумкинлигини айтган.
Байден Нетаняхуга Исроилнинг Ғазо шимолидаги хатти-ҳаракатлари, жумладан, кенг кўламли ҳужумни анклавнинг жанубий қисмида такрорлаш мумкин эмаслигини айтди, чунки у ерда миллионлаб фаластинликлар бор, — дейди анонимлик шарти билан Америка расмийларидан бири нашрга.
Исроил ва Фаластиннинг ҲАМАС ҳаракати ўртасидаги уруш 7 октябрдан бери давом этмоқда. Исроил томонида қурбонлар сони 1,4 минг кишига баҳоланмоқда, Фаластин 15 мингдан ортиқ қурбонлар ҳақида хабар берди. 22 ноябрь куни томонлар гаровга олинганларни Исроилга топшириш эвазига инсонпарварлик ёрдами етказиб бериш ва фаластинлик маҳбусларни Исроил қамоқхоналаридан озод этишни назарда тутувчи вақтинчалик сулҳга келишиб олди. 30 ноябрга ўтар кечаси ҲАМАС асирларнинг олтинчи гуруҳини озод қилди.
Изоҳ (0)