Чехиянинг омборларида Украинага етказиш мумкин бўлган қуроллар йўқ, шунинг учун энди ҳукумат муқобил йўл топди. Бу ҳақда мамлакат мудофаа вазири Яна Чернохова Чехия телевидениеси орқали гапирди, деб ёзади Cеске Новинй.
Унинг сўзларига кўра, қурол ишлаб чиқарувчи компаниялар ўз маҳсулотларини Украинага етказиб бериш учун бошқа давлатлар ҳукуматлари билан халқаро ҳамкорлик доирасида экспорт лицензияларини олади.
“Украинага жўнатишимиз мумкин бўлган ҳарбий техникамиз оз қолди. Бошқа томондан, биз ўз захираларимиздан ускуналар жўнатишнинг имкони йўқлигини (чунки мудофаа салоҳиятимизни хавф остига қўймоқчи эмасмиз) хусусий компанияларга тақдим этиладиган экспорт лицензиялари билан қоплашга ҳаракат қиламиз”, — деди Чернохова.
Унинг тушунтиришича, Чехия Украинага хусусий компаниялар орқали ёрдам бериш имконига эга, бу ҳақда хориждаги ҳамкорлар ҳам билади. Чернохованинг эслатишича, Дания аввалроқ Украинага Чехия ишлаб чиқарувчиларидан сотиб олинган 50 та пиёда жанговар машинаси, 2500 та тўппонча, 7000 та милтиқ, 500 та енгил пулемёт ва 500 та снайпер милтиқларини юборган.
Изоҳ (0)