Чехия Америка Қўшма Штатларидан янги вертолётлар олиши туфайли эскирган Ми-24В вертолётларни фойдаланишдан чиқаради ва уларни Украинага топширади. Бу ҳақда Чехия мудофаа вазири Яна Чернохова маълум қилди.
Унинг сўзларига кўра, Ми-24В/35 вертолётлари кутилганидан кўпроқ вақт хизмат қилган бўлса-да, аъло даражада ишлаган. Чехия АҚШдан UH-1Y Venom ва АH-1З Viper вертолётларини олади.
“Бугун улар билан рамзий равишда хайрлашсак ҳам, уларнинг фаолияти ҳали тугамади, биз бу вертолётлардан фойдаланиш жойини албатта топамиз. Ҳозирча фақат шуни айта оламан, Украинага вертолёт етказиб бериш борасида гапириш ниятим йўқ”, — деди мудофаа вазири.
Вазир қанча вертолёт ҳақида гап кетаётганини айтмади. Унинг аниқлик киритишича, Чехия ҳам Ми серияли вертолётлар учун эҳтиёт қисмларга эга бўлиши керак. Улар санкциялар рўйхатида, шунинг учун уларни қўлга киритиш осон бўлмайди.
Изоҳ (0)