Украина президенти Владимир Зеленский ҳаётига қилинган суиқасдлар ва Россиянинг уни ҳокимиятдан четлатиш режаси ҳақида гапирди. Бу ҳақда у The Sun нашрига берган интервьюсида маълум қилди.
Биринчи уриниш дастлабки бўлганда жуда қизиқ бўлади, кейингилари эса осон кечади. Биринчисида одамлар нима қилишни билмайди ва бу жуда қўрқинчли кўринади. Кейингиларида эса разведка Украинага (суиқасд учун) яна бир гуруҳ келгани ҳақидаги тафсилотларни баҳам кўради, — деди Зеленский.
Украина президенти уруш бошланганидан бери уни ўлдиришга уринишлар ҳисобида чалкашганини айтди.
Путиннинг 5-6 суиқасдидан омон қолдим. Биринчиси энг қизиқарли. Кейингилари ковидга ўхшайди, осонроқ кечади, — деди у.
Зеленский Москва ҳали ҳам уни ҳокимиятдан четлатиш истагидалигини, Россия миссияларидан бири 2023 йил охирига режалаштирилганини таъкидлади.
У “Майдан-3” операцияси деб номланади, президентни алмаштиришга қаратилган. Балки қотиллик йўли билан эмас. Улар қўлларида мавжуд ҳар қандай воситалардан фойдаланади, — деди президент.
Сиёсатчи журналистнинг Украина босиб олинган ҳудудларда россияпараст шахслар ҳаётига суиқасд қилганми, деган саволига жавоб бермади.
Мен сиз билан Украина разведкаси, махфий хизмати ёки бирон бир махсус кучнинг махсус операцияларини муҳокама қила олмайман. Баъзи жиҳатлар борки, биз уларни муҳокама қилмаймиз, — таъкидлади Зеленский.
Агар имконият пайдо бўлса, Украина Путинни ўлдириш имкониятидан фойдалана оладими, деган саволга Зеленский: “Бу уруш ва Украина ўз ерларини ҳимоя қилишга ҳақли”, дея хулоса қилди.
Изоҳ (0)