Украина президенти офиси раҳбари маслаҳатчиси Михаил Подоляк Россияга ён босиш таклифига жавоб қайтарди. Бу ҳақда у Telegram каналида маълум қилди.
Подолякнинг таъкидлашича, Россия музокаралар ўтказишни таклиф қилар экан, нафақат ҳарбий мағлубиятга учрамаслик ва содир этилган жиноятлар учун жазоланмаслик, балки “ўлдириш, зўрлаш, босиб олиш”ни давом эттиришга рухсат беришни ҳам талаб қилмоқда.
Сиёсатчи “урушдан минглаб километр узоқликда қулай тарзда ўтирганлар” Украинани музокараларга рози бўлишга чақираётганини айтди. Подоляк бу орқали Россия “дунё ниҳоят демократик қонга бўғилгунча ва золимларни глобал раҳбарлар сифатида тан олмагунча” жиноятларини давом эттиришини билдирди.
“Агар русларнинг қонхўрлиги билан ҳамма нарса аниқ бўлса, унда бу урушнинг моҳиятини, унинг табиатини ва Россиянинг асл мақсадини тушунмаган демократик мамлакатларнинг алоҳида фуқароларини нима ундади? Улар яқинларини йўқотиб, ўз ҳаёти ва эркинлиги ҳуқуқини ҳимоя қилаётганларнинг ниятларини тушунишни ҳам хоҳламайди”, — деди Зеленский офиси раҳбари маслаҳатчиси.
Изоҳ (0)