Зеленский Россия билан “қандай бўлса ҳам” тинчлик ўрнатилмаслигини айтди

Украина президенти Владимир Зеленский мамлакат “қандай бўлмасин” Россия билан тинчлик ўрнатишга интилмайди. Унинг фикрича, тўлақонли тинчлик музокаралари Россия қўшинлари Украина ҳудудидан олиб чиқиб кетилганидан кейин бошланиши мумкин.

“Жанг майдонида қийинми? Ҳа. Аммо ҳозир Россия билан дўстлик ўрнатиш ёки музокаралар столига ўтириш? Йўқ”, — дейди Украина президенти Британиянинг The Sun газетасига интевюсида.

Унинг сўзларига кўра, ғарб иттифоқчилари орасида Украина Қуролли Кучлари “Россия қўшинларини қувиб юборишга” қодирлиги борасида шубҳалар ортмоқда, бироқ ушбу вазият Киевнинг позициясига таъсир кўрсатмайди. “Ҳа, бизга босим ўтказишлари мумкин, аммо позициямиз олдингидек қолади. Жанг майдонида кўпроқ муваффақиятга эришишимиз керак. Ва биз буни амалга оширамиз, ерларимизни қайтариб оламиз, охирига қадар курашамиз”, — дейди Зеленский.

Аввалроқ Украина президенти Владимир Зеленский Россиянинг Украинага қарши бошлаган уруши тезда тугамаслигини маълум қилганди.