Владимир Путиннинг янги президентлик кампаниясининг асосий мавзуси уруш эмас, балки “ташқи сиёсатга эътибор” бўлади. Кремль бунда президентнинг чиқишлари ва ташвиқот материалларида тилга олинадиган Ғарб давлатларининг танқидини тушунади. Путин ушбу фонда гўёки мамлакатни “хотиржамлик оролчасига” айлантирган сиёсатчи бўлади. Бу ҳақда Meduza Россия президенти администрациясига яқин икки манбасига таяниб хабар берди.
Уларнинг сўзларига кўра, Кремль россияликларда “коллектив Ғарбни” танқид қилишга эҳтиёж борлигига ишонади. “Президент бу мавзуда гапиришни бошласа, рейтинглар ошаётганини кўриш мумкин”, — дейди суҳбатдошлардан бири.
Яна бир манбанинг айтишича, сайловлар арафасидаги ташвиқотларда Ғарб давлатларидаги “қийинчиликлар”га оид янгиликлар линияси “кучайтирилади”. У Кремлга бўйсунадиган ОАВлар Парижни “тахтаканалар босгани” ҳақидаги кўп сонли хабарларни мисол сифатида келтирган.
Давлатга бўйсунадиган ва назорат остида бўладиган ОАВлар бир вақтнинг ўзида санкцияларга қарамай, Россия “бутун дунёда кузатилаётган тартибсизликлар фонида ёмон кўринмаётганини” қайд этиши керак бўлади. Урушнинг ўзи “кампаниянинг орқа планига” ўтади.
Суҳбатдошларга кўра, ушбу режалар Америка ОАВларининг Киевдаги вазиятга бағишланган мақолалари сериясидан кейин ҳам ўзгармаган. Аввалига Times журналида машҳур мухбир Саймон Шустернинг мақоласи чоп этилди — Зеленскийнинг фикрича, дунё урушдан чарчаган, Ғарб эса хиёнат қилган. Тҳе Economist эса Украина Қуролли кучлари бош қўмондони Валерий Залужнийнинг интервьюсини эълон қилди — у фрондаги муаммоларни тан олиб, уруш “боши берк кўчага кириб қолганини” айтган.
Meduza манбасининг айтишича, “Қора оққушнинг қарши ҳужуми эҳтимоли минимал. Аммо кампанияга урушни қўшиш учун фронтда жуддий муваффақиятлар талаб этилади”.
Изоҳ (0)