Украина президенти Владимир Зеленский 6 ноябрь куни кечаси ўз видеомурожаатида ҳозирда президентлик сайловларини ўтказишнинг мавриди эмаслигини маълум қилди.
“Барчамиз ҳозир уруш вақти эканини тушуниб турибмиз, кўплаб чақириқлар бор бир пайтда сайлов мавзусини жамиятга улоқтириш мутлақо масъулиятсизлик, калтабинликдир. Ҳозир давлатимиз олдида турган объектив вазифалар юзасидан барча тегишли тузилма ва мутасадди ташкилотлардан аниқ жавоблар кутаман. Бу фуқаролик органлари, давлатнинг ҳарбий элементлари, Украина Олий Радаси, Украина Хавфсизлик хизмати ва бошқа ҳуқуқ-тартибот идоралари мансабдор шахсларига тегишли”, — дейди Зеленский.
Унинг таъкидлашича, ҳозирда сайловларни ўтказишнинг мавриди эмас.
Аввалроқ Украина халқ депутати Алексей Гончаренко мамлакат раҳбари Владимир Зеленский президентлик сайловларини 2024 йил 31 мартда ўтказиш тўғрисидаги қарорни маъқуллаганини маълум қилганди. Шу билан бирга у “Ишонтиришим мумкинки, ғарбий ҳамкорларимиз биздан сайловлар ўтказишни талаб қилмаяпти. Ҳеч қандай оммавий ёки нодавлат талаблар йўқ”, деган.
Изоҳ (0)