Қишда Украина раҳбариятида жиддий ўзгаришлар юз бериши мумкин. Бу ҳақда Украина президентига яқин манбаларга таяниб, Time хабар берди.
Нашр манбаларига кўра, ҳукумат вазири ва юқори мартабали генераллардан бири ишдан олинади. Улар “фронтдаги секин тараққиёт”, яъни етарли даражада муваффақиятли бўлмаган қарши ҳужум учун жавобгар бўлади. Журналистлар бу одамларнинг исмини келтирмаган.
Time шунингдек, Зеленский АҚШга сафаридан кейин “ғазаблангани” ва бу Ғарб урушдан чарчаганини кўрсатганини ёзади. Украина президенти, бир манбага кўра, иттифоқчилари томонидан унга хиёнат қилишганини ҳис қилади.
“Шу билан бирга, Зеленский Россия бошлаган урушни давом эттириш ниятида ва сулҳ масаласи унинг жамоасида табу ҳисобланади”, — деб ёзади Time.
Президентнинг якуний ғалабага ишониши унинг баъзи маслаҳатчиларини хавотирга солмоқда. Зеленский офиси Россия ҳарбий зарбалари туфайли қишда электр таъминотидаги узилишлар украиналикларнинг мамлакат ҳукуматидан норозилигига сабаб бўлишидан хавотирда.
Time суҳбатдошларидан бирининг сўзларига кўра, агар ўтган қишда украиналиклар бунинг учун Россия қўшинларини айблаган бўлса, энди улар “тайёргарлик учун етарлича иш қилмаган” ҳукуматга қарши даъво қилиши мумкин.
Изоҳ (0)