Виндзорларнинг тежаш одати анчадан бери маълум. Масалан, қиролича Мария меҳмонга таклиф қилинганида, хизматкорларга сарой вазаларидаги гуллардан гулдаста йиғишни, янгисига буюртма бермасликни буюрган. Бир асрдан кўпроқ вақт ўтган бўлса-да, қироллик аъзолари ҳали ҳам ҳар бир сентни тежайди.
Электр энергияни тежашади
Қиролича Елизавета II асосий қоидага амал қилган: барча керакциз чироқлар ўчирилиши лозим. Манбаларга кўра, ётишдан олдин қироличанинг шахсан ўзи қаватидаги хоналарни текширган. Ҳатто саройнинг ҳар бир қаватида шундай ёзув бўлган: “Барча ходимларнинг эътиборини керакциз чироқларни ўчириш зарурлигига қаратиш керак. Хўжалик бошлиғининг буйруғига кўра”.
Айтганча, Чарльз III ҳам буни одат қилган — шаҳзода Гарри бу ҳақда BBCнинг “Шаҳзода, ўғил ва меросхўр: Чарльз 70 ёшда” ҳужжатли фильмида айтиб ўтган.
Қолган озиқ-овқатлар ташланмайди
Сарой ошпази Керолин Робб шундай дейди: “Агар қовурилган қўзичоқ пиширган бўлсак, таом қолиб кетса, эртаси куни ундан Shepard пирогини тайёрлардик”. Аммо ҳар доим ҳам овқат ортиб қолмайди — қирол қанча одам бўлса, шунча тайёрлашни сўрайди.
Бутун уй иситилмайди
Букингем саройида 775 та хона бор ва уларнинг аксариятига йиллар давомида ҳеч ким кирмайди. Шу сабабдан қиролича “керакциз” хоналар иситилмаслигини, агар жуда керак бўлса, электр камин ўрнатишни буюрган.
Совға ўрами сақлаб қўйилади
Маълумки, Виндзорларнинг Рождествода бир-бирларига оддий, аммо қизиқарли совғалар беришдек ёқимли анъанаси бор. Елизавета II ҳатто совғаларни шахсан ўзи ўраган ва қолган байрам қоғози ва ленталарини кейинги йилгача сақлаб қўйишни буюрган.
Ташлаш эмас, таъмирлатиш керак
Қирол Чарльз ҳар доим бир нечта арзон нарсалардан кўра битта сифатли нарса сотиб олган маъқул деб ҳисоблайди. Ва севимли нарсаси эскирганида, уни таъмирлашга беради. Буни ҳамма билади: унинг куртка, шим ва туфлилари доимо ямоқли бўлган. Аммо монарх бундан уялмайди: “Мен нарсаларни ташлаб юборишни ймон кўрадиганлар хилиданман. Шунинг учун уларни таъмирлатиб, яна фойдаланишни маъқул кўраман”.
Аммо кийимлар ташлаб юбормайдиган фақатгина қирол эмас. Мисол учун, 2008 йилда шаҳзода Филипп ўз тикувчисидан севимли шимларини элликинчи йиллардан замонавийроқ бичимга ўзгартиришни сўрайди. Қиролича Елизавета ва унинг севимли Barbour кўйлаги ҳақида афсоналар мавжуд. Марҳум монарх уни 50 йилдан кўпроқ вақт давомида кийиб юрган. Ҳатто бренд эгаси унга янгисини совға қилганида ҳам кўйлагини алмаштиришдан бош тортган.
Фақат хорижий эмас, маҳаллий брендлар ҳам
Бу борада малика Кейт етакчилик қилади — у нафақат ҳашаматли модани, балки оддий брендларни ҳам яхши кўради. Улардан бири Зара. Маликанинг кўп йиллар давомида кийган ушбу бренддан кўплаб кўйлаги ва шимлари бор.
Камтарона меҳмонхоналар
2014 йилда малика Аннанинг ёрдамчилари унга Шотландиянинг Обан шаҳридаги меҳмонхоналардан бирида люкс хона брон қилишган. Аммо Анна “кечки овқат, ётоқ ва нонушта” формати учун 225 фунт (тахминан 3,5 млн сўм) тўлашини билгач, дарҳол ёрдамчиларига арзонроқ хонани ижарага олишни буюради.
Айтганча, 2022 йилда малика яна сафарга чиқади — бу сафар Австралия бўйлаб. Манбаларга кўра, у ерда Анна жуда арзон меҳмонхонада қолган, шунингдек, ҳеч кимнинг ёрдамисиз ўзи макияж қилган ва кийинган.
Қиммат бўлмаган мебеллар
Кўпчилик Кейт ва Уилямнинг уйига боришни орзу қилади, аммо жуфтлик ҳашаматли бўлмаган интерерни афзал кўришади. 2018 йилда улар Стокгольмга ташриф буюришади ва IKEA нинг дизайн бўлими раҳбари Маркус Эггманга фарзандларининг хоналарида ушбу бренддан кўплаб мебеллар борлигини айтишади.
Изоҳ (0)