2018 йил март ойида Янги Зеландия разведка хизмати биринчи марта мамлакат ҳукумати узоқ вақтдан бери яширишга ҳаракат қилган нарсани тан олди: 1981 йилда қиролича Елизавета II ва Эдинбург герцоги расмий ташриф билан бўлганида Дунедин шаҳрида ҳазрати олияларига суиқасд уюштирилади. Отишма содир этган шахс 17 ёшли ўсмир Кристофер Льюис эди.
Маълум бўлишича, Янги Зеландия ҳукумати дастлаб воқеадан хабардор бўлган. Яқин вақтгача махфий бўлган разведка ҳужжатларида 1981 йил октябрь ойида ўсмир деразалари парадга қарайдиган бинолардан бирида яшириниб, қироличага ўқ узгани ҳақида сўз боради. Кристофер нишонга аниқ ололмайди, полиция жиноятчининг изига тушади. Қўлга олинган йигит 1997 йилда қамоқхонада ўз жонига қасд қилади.
Суиқасд энди ошкор бўлгач, полиция уни қайта текшириш учун кўриб чиқмоқда. Бироқ Букингем саройи бу ҳақда изоҳ беришдан бош тортди. Аммо бу ажабланарли эмас: Буюк Британия тарихи давомида монархлар бир неча бор экстремистлар, террорчилар ёки руҳий касал жиноятчиларнинг нишонига айланган. Ҳатто ўтган аср давомида қирол оиласи аъзоларига нисбатан турли даражадаги бир неча ўнлаб суиқасдлар содир этилган.
Елизавета ва темирйўл ҳалокати — 1970 йил
“Литгоу фитнаси” деб аталадиган воқеа Британия монархининг ҳаётига суиқасд қилинган биринчи ҳолатлардан бири ҳисобланади. Ўша йили қиролича ва Эдинбург герцоги Австралияда расмий ташриф билан бўлишади. Қироллик жуфтлиги Сиднейдан Orinжга кетаётганда уларнинг поезди рельс устида ётган улкан ёғочга дуч келади. Шу йўл билан ҳужумчилар темирйўл ҳалокатини яратишга умид қилишади: поездларнинг одатий тезлигини ҳисоблаб, рельсдан чиқиб кетиши учун тўсиқ қўйишади. Бироқ ўша куни машинист негадир тезликни пасайтиришга қарор қилади, шу туфайли у тўсиқни ўз вақтида пайқаб, тезликни янада пасайтиришга муваффақ бўлади. Натижада поезд ёғочга урилади, бироқ ҳеч ким жабрланмайди.
Суиқасд уюштирганлар топилмайди, шунинг учун Австралия билан муносабатларга зарар етмайди.
Малика Аннани ўғирлашга уриниш — 1974 йил
Малика Анна билан мутлақо бошқа ҳолат юз беради — унга ҳам ҳужум қилишган, лекин қотиллик мақсадида эмас, балки ўғирлаш ва 2 миллион фунт талаб қилиш мақсадида.
1974 йил март ойида малика биринчи турмуш ўртоғи Марк Филиппс билан уйига машинада қайтаётганида тўсатдан оқ рангли Ford Escort саройдан 200 метр нарида қироллик лимузинининг йўлини тўсади. Ян Балл исмли босқинчи машинадан сакраб тушиб, маликанинг тансоқчиси ва ҳайдовчисига қарата ўқ узади. У Аннани машинадан тушишга ундайди, агар итоатсизлик қилса, уни отиб ташлаш билан таҳдид қилади.
Ҳодисани Аннани пойлаб юрган журналист ва полициячи пайқаб қолган — аммо жиноятчи уларнинг барчасини жароҳатлаган. Айтишларича, маликани ёнидан ўтиб кетаётган пиёда қутқариб қолган, у боксчи бўлган. У жиноятчини тезда қўлга олади, шундан сўнг полиция уни олиб кетади.
Елизавета ва ёш мерган — 1981 йил
-1.jpg)
Бу воқеа Британия миллий байрами бўлган анъанавий Trooping the Colour кунида содир бўлади. Байрам куни Елизавета от устида парадни бошқаради. Тўсатдан оломон орасидан қандайдир номаълум кимса қиролича томон бир-икки марта ўқ узади. Қўрқиб кетган от қироличани ерга улоқтирмоқчи бўлади. Яхшиямки, Елизавета жониворни тинчлантиришга муваффақ бўлади ва отишма содирган этган шахс дарҳол қўлга олинади. Бу 17 ёшли Маркус Сержант бўлиб чиқади, у шунчаки “машҳур бўлишни хоҳлаганди”. Кейинчалик унинг тақдири нима бўлгани номаълум.
Бироқ Елизавета отни (ва ўзини) тинчлантириб, парадни давом эттиради ва тантанали равишда Букингем саройига қайтади.
Елизавета II ва ётоқхонадаги сирли суҳбатдош — 1982 йил
Бу ҳолатни суиқасд деб бўлмайди, чунки ҳужумчи қироличани ўлдиришни мутлақо хоҳламаган. Аммо бу воқеа шу қадар кулгили ва, шу билан бирга, даҳшатлики, ҳанузгача оғиздан оғизга ўтиб, афсонага айланган.
1982 йилда ишсиз Майкл Фаган исмли эркак қиролича билан шунчаки гаплашиш учун Букингем саройининг барча хавфсизлик тизимларини четлаб ўтишга муваффақ бўлади. Бир кун олдин севгилиси ташлаб кетган бечора йигит бир оз дам олишга ва қироличанинг хоналари бўйлаб сайр қилишга қарор қилади. Бундан ташқари, у Елизаветанинг ётоқхонасига киришни хоҳлаб қолади.
У буни уддалайди ва қироличанинг ётоқхонасида 10 дақиқа бўлади. Агар Фаганнинг чекиш истаги бўлмаганида, бу қизиқ вазият қанча давом этиши номаълум: Елизавета II мулойимлик билан меҳмонига сигарет олиб келиш учун хизматкорни чақиради — хизматкор қироличанинг хонасида бегона одамни кўриб, соқчиларга хабар беради.
Энг кулгилиси шуки, бир мунча вақт ўтгач, Фагман озод қилинади ва Британия қонунлари қироллик оиласининг шахсий ҳудудига киришни жиноий ҳуқуқбузарлик деб тан олиши учун яна 25 йил керак бўлади.
Шаҳзода Чарльз, герцогиня Камилла ва ИШИД ҳужуми — 2015 йил
Маълум бўлишича, 2015 йилда Британия Қуролли кучлари Сурияда ИШИД жангарисини йўқ қилган, у бутун Лондон бўйлаб бир нечта терактлар уюштириши керак бўлган. Улардан бири мамлакатда 14 августда нишонланадиган ва бошқалар қатори Уэлс шаҳзодаси Чарльз ҳамда унинг рафиқаси герцогиня Камилла иштирок этадиган Япония устидан қозонилган Ғалаба кунида бўлиб ўтиши керак эди.
Елизавета II ва тансоқчиси — йили номаълум
Ўтган йилнинг январь ойида қироличанинг собиқ қўриқчиларидан бири матбуотга у бир пайтлар Елизаветани отиб қўйишига бир бахя қолганини тан олади. Гап шундаки, ўша кечаси қиролича уйқуси келмагани учун Букингем саройи атрофида бир оз сайр қилишга қарор қилади.
Ҳудудни узоқдан қўриқлаётган қўриқчи зулматда қора шарпани кўради, уни босқинчи деб ўйлаб, у томон югуради.
Қаршисида ким турганини билган тансоқчи қироличага қарата: “Жин урсин, ҳазрати олиялари сизни отиб қўйишимга сал қолди!”, дейди. Қиролича эса: “Ташвишланманг, ҳаммаси жойида. Кейинги сафар қўнғироқ қилиб, мени отиб қўймаслигингиз учун огоҳлантираман”, деб жавоб беради.
Шаҳзода Жорж ва ИШИД таҳдиди — 2017 йил
Шаҳзода Жорж Thomas’s Battersea мактабига борган биринчи ҳафтада бир аёл мактабга яширинча кириб, ҳаммани қўрқитади. Бироқ энг даҳшатлиси кейин юз беради: 2017 йил октябрь ойи охирида Британия ОАВлари мамлакат махсус хизматлари Telegram мессенжерида шубҳали хабарларни ёзиб олгани ҳақида хабар беради. Унда айтилишича, ИШИД экстремистлари мессенжер орқали шаҳзода Жоржнинг мактабга кириб келаётгани суратларини юборган. Улар, шунингдек, араб тилида “Ҳатто қироллик оиласини ҳам тинч қўймаймиз” деб ёзиб қолдирган.
Аммо хабар ёлғон бўлиб чиққан ёки махсус хизматлар терактнинг олдини олишга муваффақ бўлган.
Изоҳ (0)