Япония императорлик уйи 2500 йилдан бери мавжуд ва шунинг учун қироллик оиласида жуда кўп қадимий одатлар ва тақиқлар бор. Ҳозирги кунда ҳам уларга қатъий риоя қилиш керак.
Император оиласи аъзоларига ишлашга рухсат берилмайди
Кўпгина Европа монархияларидан фарқли ўлароқ, Япония қироллик оиласи аъзоларининг ишлашига рухсат берилмайди. Улар фақат хайрия ташкилотларида норасмий ишлашлари мумкин, аммо бу ҳолатда ҳам императорнинг рухсати талаб қилинади.
Аёлларга оддий одамлар билан турмуш қуришга рухсат берилмайди
Император оиласидан бўлган аёлларга оддий одамларга турмушга чиқиш тақиқланган. Акс ҳолда қиз ўзининг барча унвонлари ва қироллик имтиёзларидан воз кечиши керак бўлади. Аммо собиқ малика Нори 2005 йилда узоқ йиллик дўсти, дизайнер Ёшики Курода билан турмуш қуриш учун ўз мақомидан воз кечади.
Аммо қироллик оиласидан бўлган эркакларга оддий оила қизларига уйланиш тақиқланмайди. Шу сабабли тақиқ икки томонлама стандартлар ва Япония монархиясидаги аёллар мавқейи ҳақида кўплаб мунозараларга сабаб бўлади.
Император уйи сиёсатдан ташқари ҳисобланади
Бу қоида япон қироллик оиласини британияликлар билан бирлаштиради: иккаласининг аъзолари сиёсий жиҳатдан бетараф ҳисобланиб, сайловларда овоз бера олмайдилар ёки сайловда қатнаша олмайдилар. Бироқ Буюк Британияда қирол оиласи ва парламент ўртасидаги сўзсиз келишув бўлса, Японияда тақиқнинг моҳияти конституцияда мустаҳкамланган.
Япония қироллик оиласининг фамилияси йўқ
Виндзор ёки Оранский-Нассау (Нидерландия) уйидан фарқли ўлароқ, Япония император оиласида умумий фамилия йўқ. Бунинг ўрнига, қироллик оиласи фақат танланган номлардан фойдаланади. Шундай қилиб, ҳозирги қироллик жуфтлиги — император Наруҳито ва император рафиқаси Масако.
Аёллар монарх бўла олмайди
Авваллари бундай бўлмаган — Япония тахтини 8 та император аёл бошқарган. Сўнгги қиролича Го-Сакурамати 1771 йилда тахтдан воз кечади. 1889 йилда эса мамлакатда Меидзи Конституцияси қабул қилинади, унда аёллар тахт ворислигидан четлаштирилади.
XXI аср бошларида қироллик оиласи эркак меросхўрлар етишмовчилигига дуч келгани сабабли бу ҳолатга жиддий эътибор қаратилади. Бугунги кунда Японияда кўпчилик бу қонунни қайта кўриб чиқиш керак деган фикрда, аммо ҳозирча амалдорлар ҳеч нарсани ўзгартиришни режалаштирмаяпти.
Ҳеч қандай совғаларсиз
Япония қироллик оиласига махсус рухсатсиз совға бериш ёки олиш қонун билан тақиқланган. Мамлакат конституциясида шундай дейилган: “Император уйи томонидан ҳеч қандай мулк берилиши ёки олиниши мумкин эмас, шунингдек Сейма (Япония парламенти) рухсатисиз ҳеч қандай совға қилинмайди”.
Изоҳ (0)