Қирғизистон мусулмонлари диний бошқармаси уламолар кенгаши Исроилнинг Ғазодаги тинч аҳолига қарши ҳарбий ҳаракатларини инсониятга қарши жиноят сифатида қоралади. Бу ҳақда Kloop хабар берди.
Қирғизистон мусулмонлари диний бошқармаси фуқароларни Фаластиндаги жиҳод ғоясидан воз кечишга чақирди, чунки бу шариат қоидаларига тўғри келмайди.
“Бу нафақат фаластинликларнинг, балки бутун дунё мусулмонларининг қайғусидир. Халқаро ҳамжамият ҳозирги урушнинг шафқатсизлигини қоралайди ва уни тезроқ тугатишни талаб қилади. Қирғизистоннинг географик олислиги туфайли маънавий ва моддий ёрдам кўрсатиш мақсадга мувофиқ, деган қарорга келдик.
Шу боис одамлар гавжум жойларда, масжид ва мадрасаларда, жума намозига келган ҳар бир мусулмонни Фаластин халқи учун дуо қилишга чақирамиз. Моддий ёрдам кўрсатиш ҳозирги шароитда шариат бизга қўяётган асосий талабдир”, — дейилади баёнотда.
Изоҳ (0)