Қирғиз Республикаси президенти Садир Жапаровнинг рафиқаси Ойгул Жапарова (Асанбаева) турмуш ўртоғи билан қандай танишгани ҳақида сўзлаб берди.
Ойгул Жапарованинг айтишича, Садир Жапаров билан 1990 йилларда танишган.
“Мен 10-синфни тугатиб (у вақтда 11-синф йўқ эди), олийгоҳга киришга тайёргарлик кўраётган вақтим эди. Садир бўлса армия хизматини ўтаб келиб, Фрунзедаги (ҳозирги Бишкек шаҳри) жисмоний тарбия институтидаги ўқишини қайта давом эттираман, деб юрганди.
У дўстлари билан тоққа дам олгани келган экан. Бизнинг синфдош қизлар ҳам саёҳатга чиқмоқчи бўлиб ўша жойга бориб қолдик. Садир билан ўша жойда кўришдик. Ҳозир Садирнинг 5 синфдош дўсти менинг 5 синфдош дугоналаримга уйланган.
Садир билан кўришган онимиздан бир-биримизни ёқтириб қолдик. Бир кўришда муҳаббат дейишади-ку, шундай ҳолат бўлган. Шу билан бир-биримиз билан ажрашмадик”, — деди Ойгул хоним.
Биринчи хоним Садир Жапаровнинг ҳалоллиги, лидерлиги ва тамаки чекмаслигини алоҳида қадрлайди.
Ойгул Жапарова 1973 йил 14 ноябрда Иссиқкўл вилояти, Туп тумани, Сан-Тош қишлоғида туғилган. Қирғизистон давлат университетининг педагогика факультетини тамомлаган. Баъзи манбаларга кўра, оилада беш нафар, бошқа манбаларда эса тўрт нафар фарзанд борлиги айтилган.
Изоҳ (0)