Қирғизистон ҳукумати аҳоли томонидан туз истеъмолини камайтириш чораларини кўрмоқда. Бу ҳақда Қирғизистон соғлиқни сақлаш вазири ўринбосари Бюбужан Арикбаева матбуот анжуманида маълум қилди, деб ёзади “Вести.кг” ахборот агентлиги.
Унинг сўзларига кўра, ош тузини кўп истеъмол қилиш юрак-қон томир касалликлари ривожланишига сабаб бўлаётган асосий омил ҳисобланади.
Хусусан, ресторан ва кафеларда стол устига тузли идишлар қўйишни тақиқлаш таклиф қилинмоқда — улар фақат ташриф буюрувчиларнинг илтимосига кўра тақдим этилади.
Бундан ташқари, таркибида туз миқдори юқори бўлган маҳсулотлар учун рангли кодлар жорий этиш режалаштирилмоқда – яшил, сариқ ва қизил ранглар истеъмолчиларни соғлиқ учун хавф туғдиришидан огоҳлантиради.
Шунингдек, Қирғизистон Соғлиқни сақлаш вазирлиги Иқтисодий ривожланиш вазирлиги билан биргаликда носоғлом маҳсулотларга солиқ солиш ва таркибида бундай зираворлар кўп бўлган маҳсулотларни маркалаш чораларини ишлаб чиқмоқда.
Ушбу қадамлар тузни ортиқча истеъмол қилиш билан боғлиқ соғлиқ учун хавфларни камайтиришга қаратилган.
Изоҳ (0)