Қозоғистон Ғазо секторида қолиб кетган фуқароларини Миср орқали эвакуация қилишга уриниб кўради. Бу ҳақда “Оrda.kz” хабар берди.
Қозоғистон ташқи ишлар вазирининг биринчи ўринбосари Қайрат Умаров Сенат йиғилишида бу ҳақда маълумот берди.
Вазир ўринбосари қозоғистонликларни Ғазо секторидан эвакуация қилиш осон эмаслигини таъкидлади. Секторнинг ўққа тутилиши бу жараённи мураккаблаштиради. Умаровнинг сўзларига кўра, Ғазо сектори орқали ўтадиган ягона йўл — Рафаҳ ёпилган.
“Шунинг учун биз томондан дипломатик ваколатхоналаримиз Ғазода бўлган фуқароларимиз билан доимий алоқада. Миср ҳукумати билан ишлаяпмиз. Фуқароларимизни бу ҳудуддан олиб чиқиб кетишларини таъминлаш мақсадида ҳудуддаги бошқа турли мутасаддилар билан ҳамкорликда ишлаяпмиз”, — деди Қайрат Умаров.
ТИВ шунингдек, 45 давлат Ғазо секторидан тинч аҳолини олиб чиқиш масаласи устида иш олиб бораётганини, аммо ҳозирча муваффақиятга эришмаганини қўшимча қилди. Шунинг учун улар энди фақат гуманитар ёрдам кўрсатиши мумкин.
Изоҳ (0)