Фаластиннинг ҲАМАС ҳаракати 7 ноябрь куни Рафаҳ назорат пункти орқали Ғазо секторини тарк этиши мумкин бўлган чет эл фуқаролари ва икки фуқароликка эга фаластинликлар рўйхатини эълон қилди. Бу ҳақда анклав чегара хизматининг Facebook’даги саҳифасида эълон қилинган баёнотида айтилади.
“Биз 7 ноябрь куни Рафаҳ назорат-ўтказиш пункти орқали ўтиши мумкин бўлган бошқа давлат паспорти эгалари рўйхатини эълон қилмоқдамиз. Ҳужжатда кўрсатилган фуқаролар назорат-ўтказиш пунктида соат 07:00 да ҳозир бўлиши керак”, — дейилади хабарда.
ҲАМАС томонидан эълон қилинган рўйхатларда Буюк Британия, Канада, Молдова, Руминия, Украина, Филиппин, Франция ва Германия фуқаролари бор. Ҳаммаси бўлиб, ҲАМАС томонидан эълон қилинган файлда камида 603 кишининг номи кўрсатилган.
6 ноябрь куни Ғазодаги Чегара ўтиш жойлари бош бошқармаси Рафаҳдан рўйхатларга номлари киритилган хорижликлар ва мисрликларнинг ўтиши учун очиқ эканини маълум қилганди.
Изоҳ (0)