Анвар Каримов Сирдарё вилояти Сайхунобод тумани ҳокими лавозимига тайинланди. Бу ҳақда вилоят ҳокимлиги матбуот хизмати хабар берди.
Маълум қилинишича, 31 октябрь куни Халқ депутатлари Сайхунобод тумани кенгашининг навбатдан ташқари сессияси бўлиб ўтган. Вилоят ҳокими Акмал Маҳмудалиев қатнашган сессия ишида ташкилий масала кўрилган.
Фаррух Ўктамжонов бошқа ишга ўтаётгани сабабли ўз лавозимидан озод этилган. Унинг ўрнига Анвар Каримов номзоди туман ҳокими лавозимига тасдиқланган.
Анвар Каримов шу кунга қадар қишлоқ хўжалиги вазири ўринбосари вазифасида ишлаб келаётган эди.
Аввалроқ вазир ўринбосари Нишон туманига, Нишон ҳокими эса Муборак туманига ҳоким бўлгани, Деҳқонобод ҳокими Зоир Алиқулов Қарши тумани ҳокими сифатида иш бошлагани тўғрисида хабар берилганди.
Изоҳ (0)