Қарши шаҳрида Шавкат Мирзиёев раислигида Қашқадарё вилоятини ижтимоий-иқтисодий ривожлантириш масалалари юзасидан ўтаётган йиғилишда олий таълим, фан ва инновациялар вазири Иброҳим Абдураҳмонов қишлоқ хўжалиги вазири этиб тайинланиши ҳақида эълон қилинди. Бу ҳақда Президент матбуот котиби хабар берди.
Президентнинг “Янги Ўзбекистон маъмурий ислоҳотларини амалга ошириш чора-тадбирлари тўғрисида”ги фармони билан 2023 йил 1 январдан Вазирлар Маҳкамаси таркибидаги вазирликлар 25 тадан 21 тага қисқартирилганди. 2017 йилда давлат раҳбарининг фармони билан ташкил этилган Инновацион ривожланиш вазирлиги Олий ва ўрта махсус таълим вазирлигига қўшиб юборилиб, Иброҳим Абдураҳмонов унга раҳбар этиб тайинланганди.
Аввалроқ Азиз Воитов қишлоқ хўжалиги вазири лавозимидан озод этилганди. Воитовнинг нима сабабдан лавозимдан олингани ва қайси лавозимга тайинлангани ҳозирча номаълум.
Изоҳ (0)