Президентнинг тегишли қарори билан Азиз Воитов қишлоқ хўжалиги вазири лавозимидан озод этилди. “Дарё” манбаси ушбу маълумотни тасдиқлади.
Воитовнинг нима сабабдан лавозимдан олингани ва қайси лавозимга тайинлангани ҳозирча номаълум.
Азиз Воитов 1980 йилда туғилган, Тошкент молия институтини “Солиқ ва солиққа тортиш” мутахассислиги бўйича битирган (2001) ҳамда Олий ишбилармонлик мактабида “Бизнес бошқаруви” бўйича таҳсил олган (2010).
Воитов ўз вақтида “Ўзбекистон саноат-қурилиш банки” АТБ бошқаруви раиси лавозимида ишлаган. 2020 йил мартидан инвестициялар ва ташқи савдо вазирининг биринчи ўринбосари лавозимида иш бошлаган, 2022 йил август ойидан буён қишлоқ хўжалиги вазири лавозимида ишлаб келаётганди.
Аввалроқ ижтимоий тармоқларда Тошкент вилояти ҳокими Зоир Мирзаев қишлоқ хўжалиги вазири этиб тайинланиши мумкинлиги ҳақида хабарлар тарқалганди. Вилоят ҳокими матбуот котиби Беҳзод Қобулов ушбу хабарларни рад этди.
“Бу гаплар ҳақиқатга тўғри келмайди. Тошкент вилояти ҳокими Зоир Мирзаев айни пайтда ўз ишини давом эттирмоқда ва кун тартибига мувофиқ, белгиланган вазифалар, чора-тадбирлар ижроси билан банд”, — деди у.
Изоҳ (0)