Исроилнинг Ғазодаги Жабалия қочқинлар лагерига берган зарбаси оқибатида Лотин Америкасидаги қатор давлатлар Исроилдан ўз элчиларини чақириб олди ва Тель-Авив билан дипломатик муносабатларни узишга тайёр. Бу ҳақда Al Jazeera хабар берди.
Гуманитар ташкилотлар Исроилнинг Жабалия қочқинлар лагерига ҳужумини қоралаб, ҳалокатли ҳаво ҳужуми Ғазо секторида ўт очишни тўхтатишга эришиш учун дунё етакчиларига “огоҳлик сигнали” бўлиши кераклигини айтди.
Вашингтондаги фаластинлик сиёсатшунос Умар Баддорнинг айтишича, АҚШда “жамоатчилик фикри” ва Байден маъмурияти позицияси ўртасида катта тафовут борлигига шубҳа йўқ.
“Бу шунчалик жиддий келишмовчиликки, америкаликларнинг аксарияти ҳозир ҳужумни тўхтатишни қўллаб-қувватламоқда, аммо сиёсий тузум Америка халқининг чақириқларига мутлақо кар бўлиб қолганга ўхшайди”, — деди Баддар Al-Jazeera телеканалига.
Фаластинликларни қўллаб-қувватлаш учун давом этаётган норозилик намойишларининг мақсади “уларнинг эътиборини жалб қилиш, бу сиёсий бахога эга”, — деди у Байден маъмурияти ҳақида.
“Афсуски, Вашингтон хусусий лобби гуруҳлари таъсирида қолаётганга ўхшайди... ва сиёсий мартабага эга бўлиш, сиёсий жиҳатдан омон қолиш учун Исроил тарафдори бўлиш керак, деган эскирган тафаккур билан ҳаракат қилмоқда”.
Жабалия қочқинлар лагерига “ғайриинсоний” ҳужум
Исроил Ғазодаги қочқинлар лагерига зарба бериши оқибатида 50 га яқин одам ҳалок бўлди, 150 дан ортиқ одам жароҳатланди. Қурбонлар сони ошиши, сабаби вайроналар остидан қидирув ишлари олиб борилаётгани айтилмоқда.
Жабалия Ғазо секторидаги саккизта қочқинлар лагерининг энг йириги ҳисобланади. БМТ маълумотларига кўра, у ерда 116 минг киши рўйхатга олинган.
Исроил армияси ҳужум нишони ҲАМАС қўмондони бўлганини айтди. Оқибатда Иброҳим Биарий “йўқ қилингани” таъкидланди.
“ҲАМАС қўмондони жойлашган бинога қилинган ҳужум бошқа объектларнинг қулашига олиб келган, чунки у ерда жуда кенг инфратузилма мавжуд эди”, — дейди Исроил мудофаа кучлари.
Саудия Арабистони Жабалия қочқинлар лагерига ҳужумни қоралади
“Саудия Арабистони подшоҳлиги Исроил ишғол кучлари томонидан қамал остидаги Ғазо секторидаги Жабалия қочқинлар лагерини ғайриинсоний нишонга олишини кескин қоралайди”, — дейилади Саудия ТИВ баёнотида.
Баёнотда қўшимча равишда аҳоли зич жойлашган қочқинлар лагерига қилинган сўнгги ҳужум “кўп сонли бегуноҳ тинч аҳолининг ўлими ва жароҳатланишига сабаб бўлгани” таъкидланган.
Изоҳ (0)