Ўзбекистон президенти Шавкат Мирзиёев Қозоғистон президенти Қосим-Жўмарт Тўқаевга ҳамдардлик билдирди. Бу ҳақда президент матбуот котиби Шерзод Асадов маълум қилди.
Президент Қарағанда вилоятидаги Костенко номидаги конда рўй берган портлаш оқибатида инсонлар ҳалок бўлгани ва жароҳат олгани муносабати билан ҳамдардлик йўллаган. Мирзиёев кон ичида қолаётган кончилар тез фурсатда қутқарилишига умид билдирган.
Қарағандадаги Костенко конидаги портлаш оқибатида 32 нафар кончи ҳалок бўлди, 14 нафарини қидириш ишлари давом этмоқда. 252 кишидан 205 нафари ер юзасига чиқарилган, улардан 18 нафари тиббий ёрдамга мурожаат қилган.
Қозоғистон президенти ҳалокат ҳолатлари аниқланиб, жароҳатланганлар ва ҳалок бўлган кончиларнинг оила аъзоларига зарур ёрдам кўрсатилишини билдирган. У авария ҳолатларига ойдинлик киритиш ва тегишли чораларни кўришни буюрган.
Изоҳ (0)