Қозоғистоннинг Қарағанда вилоятидаги конда юз берган портлаш қурбонлари сони 28 нафарга етди. Республикада 29 октябрь умумхалқ мотам куни деб эълон қилинди.
Қозоғистон президенти Қосим-Жўмарт Тўқаев фожиа содир бўлган жойга бориб, авария ҳолатларига ойдинлик киритиш ва тегишли чораларни кўришни буюрди.
Давлат раҳбари ҳалок бўлган кончиларнинг оила аъзолари ва яқинлари билан ҳам учрашди ва уларга ҳамдардлик билдирди.
Унинг сўзларига кўра, ҳалокат ҳолатлари аниқланиб, жароҳатланганлар ва ҳалок бўлган кончиларнинг оила аъзоларига зарур ёрдам кўрсатилади.
Эслатиб ўтамиз, тунда Қарағандадаги Костенко конида портлаш содир бўлди. 252 кишидан 205 нафари ер юзасига чиқарилган, улардан 18 нафари тиббий ёрдамга мурожаат қилган. Ҳозиргача 28 кишининг жасади аниқланган, 18 киши қидирилмоқда.
Изоҳ (0)