Uzbekistan’s club жамоаси АҚШ ва Канадада суратга олиш ишлари бошланганини эълон қилади ва ҳамкорликка таклиф қилади.
Шимолий Америкага ташрифи арафасида Uzbekistan’s club жамоаси ўзининг жорий лойиҳалари ва потенциал иштирокчилар ва кўнгиллилар билан ўз таклифларини бўлишишдан мамнун.
Жамоа туркум “Ўзбекистонлик” фильмининг навбатдаги эпизодини суратга олиш учун АҚШ ва Канадага жўнаб кетмоқда. Суратга олиш ишлари турли жойларда, жумладан, Нью-Йорк, Вашингтон, Канзас-Сити ва Сан-Франсискода бўлиб ўтади.
O‘zbekistonlik.Students махсус лойиҳаси доирасида жамоа АҚШ ва Канаданинг нуфузли университетларида таҳсил олаётган Ўзбекистон фуқароларини қидирмоқда. Бу халқаро майдондаги ўз тарихингиз, тажрибангиз ва ютуқларингиз билан ўртоқлашиш учун ноёб имкониятдир.
Spin-оff O‘zbekistonlik.Business. Асосий суратга олиш ишларидан ташқари, O‘zbekistonlik.Business spin-оff лойиҳасини яратиш ҳам режалаштирилган. Шимолий Америкада бизнес билан шуғулланаётган муваффақиятли ўзбеклар ўз тажрибалари билан ўртоқлашиш ва ушбу қизиқарли ҳикоянинг бир қисми бўлишга таклиф қилинади.
Кўнгиллилар (волонтёрлар) — лойиҳанинг юрагидир: Суратга олиш ишларини ташкил қилиш ва ўтказишда ёрдам беришга тайёр бўлган фаол, ижодий ва масъулиятли ватандошлар қидирилмоқда. Агар ушбу ноёб ҳикоянинг бир қисми бўлишни ва унинг яратилишига ўз ҳиссангизни қўшишни хоҳласангиз, бизнинг жамоага қўшилинг.
Лойиҳаларда иштирок этиш, кўнгилли (волонтёр) сифатида қатнашиш ёки шундай ҳамюртлар ҳақида маълумот бериш учун қуйидаги манзил бўйича боғланишингизни илтимос қиламиз: info@uzbekistans.club
Изоҳ (0)