Фаластиннинг ҲАМАС ҳаракатининг ҳарбий қаноти бўлмиш “Иззаддин ал-Қассам” бригадаси жангчилари Ливан жанубидан Исроил ҳудуди томон 30 та ракета учирди. Бу ҳақда гуруҳнинг Telegram каналида эълон қилинган баёнотда айтилади.
“Ракета зарбаси Фаластин шимолидаги босиб олинган Нахария ва Шломи аҳоли пунктларига отилган”, — дейилади матнда.
Исроил армияси ҲАМАСнинг мазкур ракета ҳужуми ҳақида ҳеч қандай маълумот эълон қилмади. Бироқ армия матбуот хизматига кўра, Ливан билан чегара яқинида жойлашган Бетзет, Ханита ва Шломи аҳоли пунктларида ҳаво ҳужуми сиреналари бир неча бор янграган.
Ал Жадеед телеканали хабар беришича, ҲАМАС ҳарбий қаноти томонидан отилган ракеталарнинг ҳаммаси ҳам чегарани кесиб ўтгани йўқ, уларнинг бир қисми БМТнинг Ливандаги муваққат кучлари штаб-квартираси жойлашган ҳудуд ёнига тушган.
Изоҳ (0)