Яқин Шарқ минтақаси порох тўлдирилган бочкага ўхшаш ҳолатда, портлаш содир бўлиши ва вазият назоратдан чиқиб кетиши эҳтимоли бор, бу ҳақда Эрон ташқи ишлар вазири Ҳуссайн Амир Абдуллоҳийян Жиддадан жўнаб кетиш олдидан ўтказилган матбуот анжуманида маълум қилди.
Жиддада Ислом ҳамкорлик ташкилотининг фавқулодда йиғилиши бўлиб ўтди, унда Исроил—Фаластин можароси муҳокама қилинди.
“Минтақа порох тўлдирилган бочкага ўхшаш ҳолатда, портлаш содир бўлиши ва вазият назоратдан чиқиб кетиши эҳтимоли бор. Биз Ғазо аҳолисига қарши уруш жиноятларига имкон қадар тезроқ чек қўйилишига умид қиламиз”, — деди Эрон Ташқи ишлар вазирлиги раҳбари.
Амир Абдуллоҳийян Фаластин—Исроил можаросининг кучайиши фонида АҚШ президенти Жо Байденнинг Исроилга ташрифи йиғилиш иштирокчилари томонидан қораланганини маълум қилди.
Исроил томони ва АҚШнинг Ғазо секторидаги касалхонага ракета зарбаси урилишида Фаластин қаршилик кучлари айбдорлиги ҳақидаги баёнотни эса кулгили деб атади.
Изоҳ (0)