Россия президенти Владимир Путин 12-октябр куни Бишкекка келди. Қирғизистонда икки кунлик расмий ташрифи доирасида у МДҲ давлатлари раҳбарлари кенгаши мажлисида иштирок этади ва бир қатор икки томонлама учрашувлар ўтказади. Бу Россия раҳбарининг 2023 йилда хорижга биринчи сафари бўлди.
Россия расмий делегацияси таркибида:
- ташқи ишлар вазири Сергей Лавров,
- бош вазир ўринбосари Алексей Оверчук,
- адлия вазири Константин Чуйченко,
- табиий ресурслар вазири Александр Козлов,
- иқтисодий ривожланиш вазири Максим Решетников,
- фан ва олий таълим вазири Валерий Фальков,
- “Росатом” раҳбари Алексей Лихачев бор.
Ташриф давомида Қирғизистон—Россия музокаралари ўтказилиши ҳам кутилмоқда. Муҳокама қилинадиган мавзулар қаторида сиёсий, савдо-иқтисодий, ҳарбий-техникавий, маданий-гуманитар ва бошқа соҳаларда икки томонлама муносабатларни янада ривожлантиришнинг асосий масалалари бор. Шунингдек, долзарб халқаро муаммолар юзасидан фикр алмашиш режалаштирилган.
Музокаралар якунида ҳукуматлараро ва идоралараро қўшма ҳужжатларни имзолаш маросими бўлиб ўтади, шундан сўнг Садир Жапаров ва Путин ОАВ учун якуний баёнот билан чиқади.
Изоҳ (0)