НАТО бош котиби Йенс Столтенберг Россия ядровий синовларни тақиқлаш тўғрисидаги шартномани ратификациясини бекор қилиши туфайли НАТО ядро синовларини қайта тикламоқчи эмаслигини маълум қилди.
“Бизда бундай синовларни қайтадан бошлаш режаси йўқ”, — деди у матбуот анжуманида.
Аввалроқ Россия президенти матбуот котиби Дмитрий Песков Россиянинг Ядровий синовларни тўлиқ тақиқлаш тўғрисидаги шартномани ратификациясини бекор қилиши Москванинг ядровий синовлар ўтказиш нияти борлигини англатмаслигини айтиб ўтганди.
Ядровий синовларни тўлиқ тақиқлаш тўғрисидаги шартнома БМТ Бош ассамблеясининг 50-сессиясида (1996 йил 10-сентябр) қабул қилинган ва 1996 йил 24 сентябрдан бошлаб имзолаш учун очилган.
Изоҳ (0)