Шавкат Мирзиёев, Владимир Путин ва Қосим-Жўмарт Тўқаев Қозоғистон орқали Ўзбекистонга Россия газини етказиб бериш жараёнига старт берди, деб ёзмоқда “ТАСС”.
Тегишли тадбирда Россия раҳбари эндиликда Ўзбекистон қўшимча энергия манбасига эга бўлишини, аҳоли хонадонлари ва ижтимоий аҳамиятга эга объектларни иссиқлик ва электр энергияси билан узлуксиз таъминлаш кафолатланишини таъкидлади.
“Қозоғистон эса шимолий ва шарқий ҳудудларни газлаштириш масаласини ҳал қилади, Россия табиий газнинг ишончли етказиб берувчиси мақомини тасдиқлайди”, — дея қўшимча қилди Путин.
16 июнь куни “Газпром” Санкт-Петербург халқаро иқтисодий форумида Ўзбекистон расмийлари билан табиий газ етказиб бериш бўйича шартнома имзолаганди. Шартнома икки йилга тузилган.
Бир кун аввал президент матбуот котиби Шерзод Асадов тижорат шартномасига кўра, Ўзбекистон ҳар йили Россиядан 2,8 миллиард кубометр газ сотиб олишини маълум қилди.
Изоҳ (0)