Айни пайтда Жанубий Каролина губернатори сифатида фаолият юритаётган, республикачилар партиясидан АҚШ президентлигига номзод бўлган Никки Хейли ҲАМАС гуруҳининг Исроилга ҳужумига муносабат билдирар экан, уларни йўқ қилиб ташлаш кераклигини таъкидлади.
“Бу фақатгина Исроилга эмас, Америкага ҳам қилинган ҳужумдир. Уларни йўқ қилиб ташланг, Нетаняху! Амалга оширган ишлари учун уларга дўзах азобини кўрсатиш керак”, — деб ёзди Никки Хейли Х ижтимоий тармоғидаги саҳифасида.
Бунга жавобан хитойлик журналист Ҳу Сижин бундай чақириқлар қилаётган одам қандай қилиб АҚШ президентлигига номзод бўлиши мумкинлиги ҳақида ёзган.
“Уларни йўқ қилиб ташлаш” нимани англатади? Кўпгина давлатлар кескинликнинг кучайишига чек қўйишни талаб қилаётган бир пайтда, Никки Хейли янги қотилликларни амалга оширишга ундамоқда. Ва шундай одам АҚШ президентлигига ўз номзодини қўймоқчи, — деб ёзди у.
Никки Хейли эса “Коммунистик Хитой ташвиқот машинаси ҲАМАС террорчилари тарафида бўлаётгани ажабланарли эмаслиги, бундай одамлар томонидан танқид қилиниш шараф белгиси эканини” таъкидлаган.
Изоҳ (0)