Фаластин Соғлиқни сақлаш вазирлиги вакили Ғазо секторида 20 нафар бола ва 313 нафар катта ёшдагилар ҳалок бўлгани ҳақида хабар берди. Унга кўра, Исроилнинг ракета ҳужумлари натижасида 2 мингдан ортиқ тинч аҳоли жароҳатланган.
Бугун, 8-октябр куни HАMAS жангарилари камида етти аҳоли пунктида жанглар давом этаётгани ҳақида хабар берди. Улар орасида Офаким ва Сдерот шаҳарлари ҳам бор.
Исроил армияси чегара ҳудудларидан тинч аҳолини оммавий эвакуация қилишини эълон қилди. Исроил Мудофаа вазирлиги матбуот котиби Даниэль Ҳагарининг айтишича, "мамлакат армияси 400 дан ортиқ фаластинлик жангариларни йўқ қилган". Бундан ташқари, HАMAS гуруҳининг ўнлаб аъзолари ҳибсга олинган.
7-октябр куни эрталаб Фаластиннинг HАMAS ҳаракати жангчилари Исроил ҳудудига ракета зарбаларини бошлади. Кейинроқ жангчилар Исроил ҳудудига кириб, одамларни гаровга олган. Бунга жавобан Исроил аксилтеррор операциясини бошлаб, Ғазо секторидаги турар жой бинолари ва масжидларга ҳаводан зарбалар берди.
Изоҳ (0)